Хьамсара мехкахой! — 4 июня 2026 г. в 12:07:29.927
Хьамсара мехкахой! Къаман ший мохк, паччахьалкхе хилар; ший цIа, тхов-кIийле, кхуврч хилар санна хIама да. Тахан 34 шу дуз гIалгIаша шоай республика хьаяь, мехкарча кхыча къамашта нийса бахаш бола. Духхьал вай къаман наьха цIай хинна ца Iеш, дуккхача кхыча къамех болча наха а йIовхале кораяьй цун чухьа. Цхьа дезал санна барт болаш, мехка хIама тоадеш, хьабоагIа бе-беча къамех бола уж нах, царех республикан халкъ аьлча нийсагIа хургда, аьнна, хет сона. Сов дукха ха яц ткъаь дийтта шу яхар, амма цу юкъа даьчунга хьежача, моллагIча сага дег чу курал йоссийташ дола хIамаш дукха да вай мехка. Цу новкъара ца доалаш, дIахо а вай дIагIоргхиларах тешаш ва со, республикан сий ди тIехьа лакхдеш, гонахьарча вежарашха йолча республикашца айхха бувзамаш а хоза гIулакхаш а леладеш, воаш йоккхача а сийдолча а Россе цхьа дакъилг долга кхетадеш. Республика кхеллача денца даькъалавувца безам ба зIамигвар а воккхавар а, хIана аьлча вай массане юкъара а хоза а цIай да республика кхоллаенна ди. Дала аьттув боакхалба вай! Амин!