Октябриин 13-да Буряад Уласай үндэһэтэнэй 1-дэхи лицей-интернадта «Эхэ хэлэн» гэһэн сах...
Октябриин 13-да Буряад Уласай үндэһэтэнэй 1-дэхи лицей-интернадта «Эхэ хэлэн» гэһэн сахим номоор заншалта мүрысөөн 20-дохиео үргэн дэлисэтэйгээр үнгэрөө. Угалза шэнги нугалбаритай, агаар шэнги арюун сэбэр, булаг шэнги тунгалаг, хонхын хонгёохон сууряан мэтэ түрэл хэлэнэйнгээ һайндэртэ 11 аймагуудhаа багшанар, 114 шабинарынь морилон буугаа. Буряад хэлэнэй габшагай һара соогуур үнгэргэгдэдэг энэ тэмсээндэ аяар холо Аха нютагайхид эгээл холымнай айлшад байба. Хэмжээ ябуулгымнай эхин дээрэ тус һургуулиин захирал Булат Баирович Шойнжонов ерэһэн хабаадагшадаа амаршалаа. Хүндэтэ шүүгшэд боложо, энэл сахим ном суг хамта зохёолсоһон Уласаймнай түрүү багшанарай жэл бүхэндэ хабаадалсахадань урматай байдаг. Эдэ хэд бэ гэбэл, Базарова Донит Батуевна, педагогикын эрдэмэй дид- доктор, Буряадай ехэ һургуулиин доцент, Буряад Уласай габьяата багша, Оросой холбоото Уласай гэгээрэлэй отличник, Ивахинова Янжима Цыдендамбаевна, Буряад Уласай, Оросой Холбоото Уласай габьяата багша, Будаева Галина Дамбаевна, хэлэ бэшэгэй эрдэмэй дид- доктор, Буряадай ехэ һургуулиин доцент, Буряад Уласай болбосоролой габьяата хүдэлмэрилэгшэ, Оросой холбоото Уласай дээдэ һургуулинуудай хүндэтэ хүдэлмэрилэгшэ, мүн тиихэдэ Буряад Уласай багшанарай мэргэжэл дээшэлүүлгын дээдэ һургуулиин ахамад багша Цыденова Ханда Гунсуновна гэгшэд шүүгшэд боложо уригдаа. Тэмсээнэй хоорондуур талмайнууд дээрэ түрэл һургуулиимнай багшанарай хэдэн мастер-класс олоной анхарал татаа. “Багшын дүй дүршэлһөө” гэһэн һалбарида ерэһэн багшанар һонирхолтой материалнуудаараа хубаалдаа. Мүн лэ “Наран" ансамблиин гэшүүд, циркын һургуулиин шабинар гоё һайхан дуу, хатар бэлэглэхэһээ гадна, хүүгэдэй 8-дахи хүгжэмэй һургуулиин багша Балма Дашидоржиевна Дамбаевагай ударидалга доро “Морин эрдэнидэ соло” гэһэн уран зохеолой баглаа 6-7 ангиинхид уран гоёор гүйсэдхөө. Хэмжээ ябуулгын эсэстэ 9-11 ангинуудай һурагшад “Сахим номой абарга- 2026” гэһэн кубогта хүртэхын түлөө асуудалнуудта харюусажа, Буряад Уласай үндэһэтэнэй 1- дэхи лицей- интернадай 11 ангиин һурагша Александра Жалсановна түрүүлэн гараа. Ерэһэн бүхы багшанараа, шабинарынь үнэн зүрхэнһөө амаршалнабди! 💥 Энэ мүрысөөндэ илажа гараhан hурагшад: 🏆 2 класс 1 һуури - Жанаев Тамир (В. Мункинай нэрэмжэтэ Хэжэнгын лицей) 2 һуури - Дашицыренов Номто (РБНЛИ 1) 3 һуури - Содномов Рабдан (Х.Намсараевай нэрэмжэтэ Хэжэнгын дунда һургуули 1) 🏆 3 класс 1 һуури - Жамсуев Александр (Иисэнгын дунда һургуули) 2 һуури - Абламский Руслан (В. Мункинай нэрэмжэтэ Хэжэнгын лицей) 3 һуури - Шойнжонов Бато (Хэжэнгын һургуули-интернат) 🏆 4 класс 1 һуури - Аюшеев Соёл (Цагаатайн дунда һургуули) 2 һуури - Эрдыниев Барас (Гааргын дунда һургуули) 3 һуури - Нимаева Арьяна (Тоxорюугтын дунда һургуули) 🏆 5 класс 1 һуури - Шойдокова Нарана (РБНЛИ 1) 2 һуури - Намсараев Арсалан (Мужыxын дунда һургуули) 3 һуури - Аюрова Дарима (Х.Намсараевай нэрэмжэтэ Хэжэнгын дунда һургуули 1) 🏆 6 класс 1 һуури - Сандакжапов Дамир (Хэжэнгын лицей) 2 һуури - Сантуев Очир (Лугшаxаанай үндэһэн һургуули) 3 һуури - Мункуева Хажидма (Цагаатайн дунда һургуули) 🏆 7 класс 1 һуури - Шойнжонова Нарана (РБНЛИ 1) 2 һуури - Содномова Сэлмэг (Х.Намсараевай нэрэмжэтэ Хэжэнгын дунда һургуули 1) 3 һуури - Рыгзенова Адиса (Нарһатын дунда һургуули) 🏆 8 класс 1 һуури - Бадмажабэ Юмжит (РБНЛИ 1) 2 һуури - Санжибалов Геннадий (Хилганын дунда һургуули) 3 һуури - Мункоев Аламжи (Өөрлигэй дунда һургуули) 🏆 9 класс 1 һуури - Шойдокова Сойжина (РБНЛИ 1) 2 һуури - Цыбик Полина (47-доxи дунда һургуули) 3 һуури - Бадмаева Валерия (Хэжэнгын интернат-һургуули) 🏆 10 класс 1 һуури - Цынгуева Сурэна (Дээдэ-Хэжэнгын дунда һургуули) 2 һуури - Доржиева Соёлма (Эгэтын-Адагай дунда һургуули) 3 һуури - Эрдыниева Аяна (Хилганын дунда һургуули) 🏆 11 класс 1 һуури - Жалсанова Александра (РБНЛИ 1) 2 һуури - Балданова Татьяна (Дээдэ-Хэжэнгын дунда һургуули) 3 һуури - Лыгденов Самбу (Доодо-Ивалгын дунда һургуули) Бүхы хабаадаһан багшанараа шабинартайнь халуунаар амаршалнабди!👍👍👍👏👏👏🔥🔥🔥 https://vk.ru/album-104022970_312134177