Бүгүн ыам ыйын 1 күнүгэр "Ойуунускай тойуга" уус-уран туруоруу "Айылгы" норуот айымныты...
Бүгүн ыам ыйын 1 күнүгэр "Ойуунускай тойуга" уус-уран туруоруу "Айылгы" норуот айымнытын дьиэтин сыанатыгар көһүннэ. Бу спектакльга улуу убайбыт Платон Алексеевич Ойуунускай олоҕун 3 хартыынан көрдөрдүлэр: оҕо саас, эдэр саас, олоҕун бүтэһик сыллара. Бастакы хартыынаҔа 6б уонна 5б кылаас үөрэнээччиллэрэ кытыннылар. Салайааччыларынан оскуолабыт саха тылын уонна литературатын учуутала Кузьмина Акулина Николаевна уонна кылаас салайааччыта Оконешникова Аина Александровна улахан үрдүк таһымнаах үлэни ыыттылар. Уолаттар хоһооннорун үрдүк таһымнаахтык аахтылар, образтарын толору арыйдылар, көрөөччү улахан биһирэбилин ыллыллар. Биир бэйэм, маннык кыра уолаттар маннык улахан тэрээһиҥҥэ, долгуйбакка, улахан сценаҕа үрдүк таһымнаахтык кытттыбыттарын убаастыы, сөҕө көрдүм✊✊ Иккис хартыынаҕа маассабай сыанаҕа 10А кылаас уолаттара кытыннылар. Сорох уолаттар маннык театр хайысхатыгар иккис кыттыылара. Бэлэмнэниигэ элбэх күн барда, уолаттар хас биирдии бэлэмниигэ бэриниилээхтик, эппиэтинэстээхтик сыһыаннаһан оруолларын сценаҕа бэккэ көрдөрдүлэр. Биллэн туран, хас биирдии репетиция элбэх бириэмэни эрэйэр этэ: ону Александр Олегович салайааччылаах тренерскай хамаанда утары барбыккытыгар улаханнык махтанабыт. Бу курдук күүстээх үлэни спектакль режиссера Петр Петрович Дьяконов дьыыссаат оҕотуттан саҕалаан сцена ветераннарыгар тиийэ 87 киһини мунньан, улууска биир чаҕылхай театральнай тэрээһини ыытта. Маннык сүдү хамсааһыҥҥа биһиги оҕолорбут кыттыбыттара үрдүк суолталаах, хас биирдии киһи төрөөбүт дойдутун историятын, улуу убайдарбытын билэр буолуохтаа5ын бэлиэтиир✊✊ Онон бары бириэмэлэрин анаабыт, артыыстаабыт үөрэнээччилэрбитигэр, кинилэр салайааччыларыгар, тренердарыгар, төрөппүттэригэр быйылгы Култуура сылыгар аналлаах улахан тэрээһиҥҥэ активнай кыттыыгыт иһин барҕа махтал✊