Бүгүн 8Б кылаас үөрэнээччилэрэ - "КЫЫМ" байыанна-патриотическай кулууб чилиэттэрэ Проко...
Бүгүн 8Б кылаас үөрэнээччилэрэ - "КЫЫМ" байыанна-патриотическай кулууб чилиэттэрэ Прокопьев В.Н., Фомин А.С. салайааччылаах Школа-интернат - Болтоно Толооно хайысханан сатыы марш-бросок оҥордубут. Бадарааннаах суолунан, тоҥуу хаарынан хааман, этэҥҥэ тиийиэхтээх сирбитигэр тиийэн, сир аһатан, уот оттон, о5о-о5о курдук оонньоон, миин өрүнэн, минньигэстик эбиэттээн, сыал ытан, саллаат олоҕуттан наадалаах сатабылларга үөрэнэн, бэккэ сылдьан кэллибит. Төннөн кэлэн иһэн, аара суолга Соколга олорсон үөрэн-көтөн, корпуспутугар-дьиэбитигэр тиийдибит. Оҕолор астыннылар аҕай. Уол оҕону айылҕаҕа сыһыаран, сибиэһэй салгыҥҥа хаамтаран, эт-сиин, өй-санаа чэбдигирдэн, бэккэ сылдьан кэллибит. Барыта 16,5 км курдугу уолаттар сатыы маллаах хаамтылар. Баҕа санаабытын ылынан, утары барбыт оскуолабыт администрациятыгар, тренердарга, учууталларга оҕолор уонна төрөппүттэр ааттарыттан улахан махталбытын биллэрэбит✊ Барыта этэҥҥэ✊