Хьамсара хьехархой, аз дег т1ара даькъала дувц шо "Хьехархочун ц1айца".
Хьамсара хьехархой, аз дег т1ара даькъала дувц шо "Хьехархочун ц1айца". Шо — вай къаман сердало я. Тахан шоан дегга чура ловца баккха безам ба са: Ирази, аьттуви хилба шун массане оаш беча лоарх1амеча балха т1а, цу в1алла атта боацача новкъа. Беркат ма эшалда шоана. Вай хьалкхувш йолча т1ехьенна юкъе эггара дикаг1дар а хозаг1дар а эздийдар а доаржаде Дала аьттув боаккхалба шун! Вай къаман г1оза т1ехье кхееш оаш хьега къа, Дала маьлехьа долда. Х1ара денна шоай дешархой толамаша дог г1оздоахалда шун. Могаш-маьрша долаш, дукхача шерашка 1омадаьчох пайда эца ховш т1ехье кхее Дала низ лолба шоана.
60 просмотров