ГР

ГБПОУ РС(Я) «Харбалахский образовательный комплекс им.Н.Е.Мординова - Амма Аччыгыйа»

Школы и вузы · 4 ноября 2026 г.

Открыть канал в MAX

Бүгүн Харбалаахтааҕы үөрэхтээһин холбоһугар Доҕордоһуу күнэ бэрт сэргэхтик ааста👫🏻✨

Бүгүн Харбалаахтааҕы үөрэхтээһин холбоһугар Доҕордоһуу күнэ бэрт сэргэхтик ааста👫🏻✨ Харбалаах нэһилиэгин үөрэхтээһин холбоһугар бүгүн Арассыыйаҕа бэлиэтэнэр Доҕордоһуу (Народнай сомоҕолоһуу) күнүгэр аналлаах улахан тэрээһин буолан ааста. Устудьуоннар бу бэлиэ күнү көрсө түөрт көрүҥҥэ күөн көрүстүлэр. Тэрээһин хас да түһүмэҕинэн ыытылынна: - Театрализованнай сыанка🎭: Оҕолор бөлөхтөргө арахсан, Арассыыйа араас норуоттарын үгэстэрин, култуураларын уонна доҕордоһууларын туһунан көрдөрдүлэр. Хас биирдии сыана дойду устуоруйатын уонна сомоҕолоһуутун кэрэһитэ буолла. - ⁠Ас астааһына🧑🏻‍🍳: Кыттааччылар норуоттар национальнай бүлүүдэлэрин бэлэмнээн көрдөрдүлэр. Манна оҕолор ас ырысыабын эрэ буолбакка, кини суолтатын, ханнык бырааһынньыктарга астанарын сиһилии кэпсээтилэр. - ⁠Фотозона күрэҕэ: Бөлөхтөр дойдуларын араас омуктарын бэлиэлэрин, таҥастарын-саптарын уонна айылҕаларын уобараһын туһанан, бэрт кэрэ көстүүлээх, өйдөбүнньүк хаартыскаҕа түһэр анал муннуктары оҥорон таһаардылар. - ⁠Дойдуларынан арахсыы🇨🇳🇷🇺: Күрэхтэһии сүрүн идиэйэтинэн оҕолор дойдуларынан (омуктарынан) арахсан кыттыылара буолла, бу бэйэ-бэйэни ытыктааһыҥҥа уонна сомоҕолоһууга ыҥырда. Тэрээһин түмүгүнэн маннык тэрээһиннэр оҕолорго доҕордоһуу, бэйэ-бэйэни өйдөһүү уонна дойдуга бэриниилээх буолуу сыаннастарын иҥэрэллэр, ону тэҥэ Арассыыйаҕа олорор норуоттар култуураларын байыталлар. Оҕолор бэйэлэрэ даҕаны бу күнү олус сэргэхтик, доҕордуу тыыҥҥа атаарбыттарын туһунан үөрэ-көтө кэпсииллэр. Медиа центр ХОК Шишигина Ахмиада