Күүстээх санааны иҥэрэр көрсүһүү: «Азия оҕолоро» оонньуулар бириистээҕэ Арылхан Андреев...
Күүстээх санааны иҥэрэр көрсүһүү: «Азия оҕолоро» оонньуулар бириистээҕэ Арылхан Андреевтыын! Хас биирдии улахан кыайыы кыра хардыыттан уонна баҕа санааттан саҕаланар. Бүгүн итиниэхэ биһиги кэлбит дьоммут «Азия оҕолоро» Аан дойдутааҕы успуорт оонньууларын сахалыы ыстаныыга бириистээҕэ, эдэр кыайыылаахпыт Арылхан Андреевтыын көрсүһүү кэмигэр илэ харахтарынан көрдүлэр уонна итэҕэйдилэр! Арылхан олохтоохтук уонна аһаҕастык бэйэтин суолун кэпсээтэ: Успуорка хайдах кэлбитин туһунан: Кини хайдах дьарыктанан баар буолбутун, маҥнайгы саллааһыннары хайдах кыайбытын уонна талбыт суолуттан туораабатын туһунан кэпсээтэ. Тренер уонна дьарыктар: Арылхан бэйэтин тренэригэр Афанасий Васильевичка улахан махталлаах. Тренер диэн судургу эрэ учуутал буолбатах, кини киһи бэйэтигэр эрэлэ сүппүт кэмигэр даҕаны өйүүр, кынаттыыр киһи буолар! Дисциплина уонна түмсүүлэр (сбордар): Дьиҥнээх спортсмен олоҕо мэтээллэртэн эрэ турбат. Бу — эрдэ туруу, күүстээх дьарыктар, аһылык режимин тутуһуу уонна күн аайы бэйэни кыайыы. «Азия оҕолоро» оонньуулар: Кини улахан күрэхтэһии тыҥааһыннаах эйгэтин, тахсыах иннинээҕи долгуйууну уонна бэйэтин төрөөбүт дойдутун чиэһин көмүскүүр улахан эппиэтинэһи дьоҥҥо тириэртэ! Көрсүһүү сүрүн түмүгэ: Успуорт хас биирдии киһиэхэ наада! Кини хайаан да идэтийбит буолара ирдэммэт. Успуорт киһини тулуурдаах буоларга үөрэтэр, харахха уот иҥэрэр уонна олох ханнык баҕарар түгэнигэр көмөлөһөр кытаанах санааны иитэр. Арылханҥа иһирэх кэпсэтиитин уонна күүстээх санааны бэрсибитигэр улахан махтал! Инникитин өссө үрдүк чыпчааллары дабайарыгар баҕарабыт!