Учуутал, поэт уонна Наставник сырдык кэриэһигэр ✨
Учуутал, поэт уонна Наставник сырдык кэриэһигэр ✨ Алтынньы 5 күнүгэр Маардааҕы киин библиотекаҕа Ахмет Андреевич Дмитриев (1951–2022) төрөөбүтэ 75 сылыгар анаммыт өйдөбүнньүк интерактивнай уруок-тургутук үрдүк таһымнаахтык ааста. Тэрээһиҥҥэ Ньурбатааҕы техникум студеннарыгар анаан кини сырдык аатын ытыктаан муһуннулар. Ахмет Андреевич бэйэтин олоҕун тухары төрөөбүт дойдутун сайдыытыгар элбэх кылаатын киллэрбит Саха сирин киэн туттар киһитэ буолар. Кинини биһиги маннык өйдүүбүт уонна сыаналыыбыт: • Саха Өрөспүүбүлүкэтин үтүөлээх учуутала — хас да көлүөнэ ыччаты олох киэҥ суолугар сирдээбит уонна ииппит-такайбыт улуу педагог; • Талааннаах поэт, белуьуек — кини дириҥ ис хоһоонноох тыллара хас биирдии киһи дууһатын таарыйар ураты күүстээхтэр; • Энтузиаст-тренер, кыраайы үөрэтээччи — саха тустуутун историятын чинчийээччи, хас да сүүнэ улахан суолталаах кинигэлэр автордара; • Ньурба улууһун, Бордоҥ уонна Малдьаҕар нэһилиэктэрин Бочуоттаах гражданина. Бу ааспыт уруок-тургутук техникум студеннарыгар Ахмет Андреевич олоҕун сүрүн кэрчиктэрин, айар үлэтин уонна улууспут историятын дириҥник билсиһэргэ, өссө төгүл кини сырдык уобараһын санаан ааһарга үчүгэй кыаҕы биэрдэ. Кыраайы үөрэтээччи олоҕун холобура эдэр ыччакка дьиҥнээх өй-санаа уонна патриотизм уруога буолла. Улуу учуутал, бэйэтин норуотун дьиҥнээх патриотун сырдык аата ииппит ыччаттарын үлэтигэр уонна айымньыларыгар үйэлэргэ тыыннаах буолуоҕа. Воспитатель Егорова И.П.