ГБПОУ РС(Я) "Транспортный техникум им. Р.И.Брызгалова"
Образование · 24 октября 2026 г.
Ыччаттарбыт кыайыы өрөгөйүн аҕаллылар
Ыччаттарбыт кыайыы өрөгөйүн аҕаллылар 💪🏼 Бу күннэргэ Дьокуускайга “Манчаары” аатынан успуорт национальнай көрүҥнэрин киинигэр 18 – 21 саастаах ыччаттар ортолоругар өрөспүүбүлүкэтээҕи дэгит күрэс «Ыччаттар” уонна “Кыргыттар” категорияларга арахсан ыытылынна. Манна барыта тоҕус кыыс уонна отут биэс уол национальнай оонньуу көрүҥнэригэр биирдиилээн бастыыр иһин илин-кэлин түһүстүлэр. 🏃🏻Мэҥэ Хаҥалас улууһуттан сэттэ ыччат кытынна, ол иһигэр, икки кыыс, биэс уол. Кыргыттарбыт уопсайа биэс көрүҥ түмүгүнэн бастакы уонна үһүс миэстэлэри хааччыннылар. Айаана Константинова (Мэҥэ Хаҥалас, ХИФУ) эрэллээхтик бастаата, Алгыстаана Чемчоева (Кэбээйи) иккис, Лия Дмитриева (Мэҥэ Хаҥалас, АГАТУ) үһүс миэстэ буоллулар. 🏹 Уолаттар сэттэ көрүҥҥэ күрэхтэспиттэригэр Руслан Слепцов (Мэҥэ Хаҥалас, “Хатан” кулууп) бастакы, Зафарджон Решетников (Сунтаар, “Боотур” кулууп) иккис, Гаврил Ширяев (Уус Алдан, “Боотур” кулууп) үһүс миэстэ буоллулар. Сыллата ыытыллар “Дыгын Оонньууларыгар” бэлэмниир кэрэхтэһиигэ улууспут спортсмен ыччаттара үчүгэй түмүгү көрдөрдүлэр. Арсен Федоров (“Боотур” кулууп) оҕунан ытыыга 1-кы миэстэ, уопсай түмүккэ бэрт кыранан төрдүс миэстэ буолла. Даниил Слепцов (“Модун” кулууп), Валерий Потапов (“Парус” успуот киинэ), Саид Дмитриев (АГАТУ) ортоку миэстэлэр буоллулар. Уопсай түмүккэ улууспут спортсменнара икки категорияҕа иккиэннэригэр бастаан, кыайыы өрөгөйүн биллилэр. 🏆 “ПИК” тэрилтэ салайааччыта Юрий Борисов быйылгы “Дыгын оонньууларын” биир бастыҥ көрдөрүүлээх спортсменыгар Руслан Слепцовка өйүүрүн биллэрэн, 50000 солк. харчынан бириэмийэни үөрүүлээхтик туттарда. Сиһилии ⬅️ @gazetaerkeii @ulusmedia