Эдэр эйгэ
Эдэр эйгэ Бүгүн, бэс ыйын 6 күнүгэр, Түгэхтэй алааһыгар "Эдэр эйгэ" Үөһээ Бүлүү ыччатын слета буола турар. Үөрүүлээх арыллыыга улуус баһылыгын бастакы солбуйааччыта Егор Иванов улуус баһылыгын аатыттан махтал суруктары ыччат сэбиэтин көхтөөх чилиэннэригэр Елена Григорьеваҕа, Клара Протопоповаҕа, Афанасий Руфовка туттартаата. Ону таһынан ыччат сэбиэтин түөскэ кэтиллэр бэлиэтин уонна дастабырыанньатын Данил Ивановка туттарда. Слетка кыттар ыччат хомуур хамаандалара Тамалакаан, Ороһу, Кэнтик, Дүллүкү, улуус дьаһалтатын, киин балыыһа эдэр исписэлиистэрэ, Үөһээ Бүлүүтээҕи техникум бэйэлэрин билиһиннэрдилэр. Салгыы 7 станциянан арахсан билиилэрин тургуттулар. Киэһэ 6 чаастан кэнсиэр уонна доҕордоһуу киэһэтэ буолуоҕа. @uoheebuluu
357 просмотров