Сунтаар улууһугар ох саанан ытыыга сэргэх күрэх ааста! 🏹 — 2 апреля 2026 г. в 07:29:26.053
Сунтаар улууһугар ох саанан ытыыга сэргэх күрэх ааста! 🏹 Кулун тутар 31 күнүгэр Сунтаар сиригэр традиционнай ох саанан ытыыга улуустаа5ы чемпионат үрдүк таһымҥа ааста. Бу күрэххэ барыта 77 киһи кыттыыны ылан, сытыы харахтаахтар уонна туруктаахтар киирсиилэрэ олус долгутуулаах буолла. Күрэх тэрийиитин уонна ыытыытын уопсай салайыыннан А.И. Иванов аатынан «Олимпийскай эрэллэри бэлэмниир анал оскуола» (ГБУ ДО РС(Я) «СШОР им. А. И. Иванова»)дьаһалтата уонна Сунтаар улууһун ох саанан ытыы федерацията толордулар. Аһыллыытыгар улуус баһылыга Григорьев Анатолий Васильевич, спорт отделын салайааччыта Егоров Дьулустаан Николаевич уонна улуустааҕы төрүт оҕунан ытыы федерацията Яковлев Артем Борисович кыттыыны ылан, спортсменнарга истиҥ э5эрдэ тылларын эппиттэрэ, ох саанан ытыы сайдарыгар улахан эрэллэрин биллэрбиттэрэ. Параады Дьаархан орто оскуолатын физкультура учуутала Кырелов Павел Револьевич киллэрдэ. Кыттыыны ылбыт хамаандалар: Сунтаар (20), Маар Күөл (11), Куокуну (11), Дьаархан (7), Бордон (6),Бүлүчээн (5), Устье (5), Эльгээйи (5), Кундэйэ (3), Сиэйэ (4). Чемпионат түмүгүнэн кыайыылаахтар уонна призердар: * Уолаттар: Петров Анатолий (Маар Күөл) 🥇 Федоров Алексей (Маар Күөл) 🥈 Федоров Георгий (Маар Күөл) 🥉 * Кыргыттар: Лукина Нелли (Сунтаар)🥇 Петрова Евгения (Маар Күөл) 🥈 Петрова Надя (Дьаархан) 🥉 * Эр дьон: Васильев Андрей (Сунтаар)🥇 Иванов Айаал (Куокуну) 🥈 Афанасьев Андрей (Сунтаар)🥉 * Дьахталлар: Иванова Матрена (Куокуну)🥇 Малышева Ньургуйаана (Сунтаар)🥈 Новгородова Алена (Сунтаар)🥉 * Бэтэрээн эр дьон (1 группа): Яковлев Аркадий (Куокуну)🥇 Афанасьев Андрей (Сиэйэ)🥈 Уларов Борис (Сунтаар)🥉 * Бэтэрээн дьахталлар (1 группа): Федорова Наталья (Сунтаар)🥇 Габышева Любовь (Куокуну)🥈 Васильева Мария (Сунтаар)🥉 * Бэтэрээн эр дьон (2 группа): Акимов Егор (Сунтар)🥇 Семенов Виталий (Сунтаар)🥈 Петров Александр (Куокуну)🥉 * Бэтэрээн дьахталлар (2 группа): Ю Христина (Устье).🥇 Гуляева Аграфена (Бүлүчээн)🥈 Иванова Валентина (Сунтаар)🥉 ⭐️Муҥутуур кыайыылаа5ынан ааттанна эр дьонно Афанасьев Андрей (Сиэйэ) Дьахталларга Ксенофонтова Таисия (Сунтаар). Күрэххэ кыттыбыттар бары биир тыынынан, ох саа диэн туох күүстээх дьарык буоларын көрдөрдүлэр. Тэрээһин олус истинник, астыктык ааста, кыайылаахтар бары на5араадаланнылар. Инникитин буолар Республиканскай Валерий Васильевич Коротов - Бэлиэ Куорсун аатынан күрэххэ бары кыттааччыларга дьулууру, сытыы харахтаах буолууну уонна сана ситиһиилэри ба5арабыт! 🏹🐇🦆🐿️🎯