*Аҕа дойдуну көмүскээччилэр күннэринэн!* — 23 февраля 2026 г. в 03:28:14.654
*Аҕа дойдуну көмүскээччилэр күннэринэн!* "Сунтаар улууһа (оройуона)" муниципальнай оройуон дьаһалтатын, улуус (оройуон) депутаттарын Сэбиэтин уонна тус бэйэбит ааппытыттан Эһигини Аҕа дойдуну көмүскээччилэр күннэринэн истиҥник эҕэрдэлиибит! Бу улахан суолталаах, Россия судаарыстыбатын дьылҕата быһаарыллар устуоруйа тыҥааһыннаах кэрдиис кэмигэр бэлиэтэнэр, модун санааны, хорсун быһыыны, Ийэ дойдуга тапталы уонна бэриниилээх буолууну кэрэһэлиир бырааһынньык. Бу күн - биһиги дойдубут күүһүн, кэлэр кэскилин, эрэлин бэлиэтэ. Биһиги Аҕа дойдубут көмүскээччилэригэр - байыаннай сулууспалаахтарга, бэтэрээннэргэ, урукку кэмнэргэ дойдуларын көмүскээбит, эйэлээх олоҕу хааччыйбыт хорсун дьоммутугар сүгүрүйэбит, ытыктабылбытын, кинилэринэн киэн туттарбытын биллэрэн, истиҥник махтанабыт. Бүгүҥҥү күҥҥэ анал байыаннай дьайыыга Ийэ дойдуларын иннигэр иэстэрин толоро сылдьар, биһиги көҥүл уонна тутулуга суох эйэлээх олохпут туһугар кыргыһар хорсун буойуттарбытыгар анаан ураты махталбытын уонна ытыктабылбытын тиэрдэбит. Бүттүүн өрөспүүбүлүкэ, Сунтаар дьоно-сэргэтэ анал байыаннай дьайыы кыттыылаахтарын, Россия Федерациятын Сэбилэниилээх күүстэрин кэккэтигэр быстах хомуурунан ыҥырыллыбыт бары биир дойдулаахтарбыт, «Боотур» этэрээт доброволецтарын, анал подразделениелар байыастарын, анал байыаннай дьайыыга бастакы күннэртэн кыттыспыт контрактниктарбыт модун санааларынан, хорсун быһыыларынан киэн туттар. Кинилэр тулуурдара, дьулуурдара, хорсун санаалара, дойдуга бэриниилээх буолуулара эдэр көлүөнэҕэ үтүө холобур буолар. Биһиги бүгүн барыбыт олохпут, инникибит туһугар олохторун толук уурбут хорсун буойуннарбыт сырдык кэриэстэригэр сүгүрүйэбит. Биһиги эһэлэрбит, хос эһэлэрбит албан ааттаах хорсун быһыыларын ытыктыырбыт курдук, бүгүн хорсуннук кыргыһа сылдьар дьоммутун кэнэҕэски ыччаппыт умнуо суоҕа, устуоруйабытын билэр уонна харыстыыр буолуоҕа. Байыаннай дьайыы бэтэрээннэригэр уонна кыттыылаахтарыгар, саппааска тахсыбыт байыаннайдарга, Ийэ дойдуну көмүскээбит уонна көмүскүүр дьоммутугар барҕа махтал! Аҕа дойдуну көмүскээччилэрбитигэр эйэлээх олоҕу, ыраас халлааны, кытаанах доруобуйаны, ситиһиилэри уонна чөл туругу баҕарабыт! Бырааһынньыгынан! Ытыктабылы кытта, "Сунтаар улууһа (оройуона)" муниципальнай оройуон баһылыга А.В. Григорьев Улуус (оройуон) депутаттарын Сэбиэтин бэрэссэдээтэлэ У.Д. Попова.