Бүген социаль хезмәткәр көне. Социаль хезмәткәр – ул һөнәр генә түгел, ә күңел халәте, ... — 8 июня 2026 г. в 12:06:53.601
Бүген социаль хезмәткәр көне. Социаль хезмәткәр – ул һөнәр генә түгел, ә күңел халәте, яшәү рәвеше. Элина Сибгатуллина – Башкортстан Республикасының төньяк-көнбатыш районара «Гаилә» үзәгенең Октябрьский шәһәрендәге гаилә хезмәте белгече. Бүген киң җәмәгатьчелек Социаль хезмәткәр көнен билгеләп үтә. Элина Марат кызы бүгенге көндә 26 гаиләне кайгырта. Алар арасында күпчелекне СВОда катнашучыларның гаиләләре алып тора. Анна Фазуллина – күп бала анасы. Гаилә башлыгы – махсус хәрби операциядә. – «Гаилә» үзәге уздыра торган бөтен чараларны да көтеп алабыз, актив катнашабыз. Балаларның җәмгыятькә чыгуы, кеше арасында булуы, аралашуы, яңа кул эшләре үзләштерүе бик яхшы. Кызыбыз ясаган оберегларны әтиебезгә генә түгел, ялга кайткан башка туганнарыбызга да биреп җибәрдек, – диде шәһәрдәшебез. Элина Сибгатуллина сүзләренә караганда, ул эшли торган хезмәтнең төп максаты – гаилә эчендәге мөнәсәбәтләрне камилләштерүгә, балаларның гармонияле үсешенә ярдәм итү.