Куйаар ситимиттэн: — 24 августа 2026 г. в 03:29:46.448
Куйаар ситимиттэн: Аньыы, билигин 90-с сыллардааҕар куһаҕаннык олоробут диир дьон түөһэйбиттэр дуу эбэтэр ол кэмҥэ олорботохтор дуу. Хамнас оннугар арыгы биэрэллэр этэ дии ардыгар, хас да ый харчы диэни көрбөккүн, төһөлөөх элбэх ыал оччолорго Рояль арыгыттан сылтаан буорайбыттарай, бары барыта дефицит этэ. Рама арыы амтанын билигин да өйдүүбүн, ол баарыгар махтал буолара. Ынахтаах, сүөһүлээх эрэ буоллаххына аһыыгын диэбит курдук ситуация. Билигин ас-таҥас талбыта, олбуор аайы техника, дьон сынньана диэн соҕуруунан-арҕаанан көтүү, бизнес үрдүгэр бизнес. Урут куоракка кыра да лааппылаах буоллаххына харчын бандьыыттарга барар. Куоракка киэһэ туалекка тахсан баран киирбэт диэн эмиэ баара. Билигин утопиеҕа да олорботорбут үлэлиир киһи байар-тайар, хоргуйан охтубат кэмэ. Аны оҕолонноххуна капитал, босуобуйа, льгота. Урут киһи оҕолонорун да куттанара, аҥаардас УЗИ да диэн суоҕа буоллаҕа. Билигин балыыһалар аныгылара бөҕө, араас аппарат дэлэй. Аны төһөнөн элбэх оҕолоноҕун да көмө бөҕөтө. 90-с сылларга киһи сарсын туох буоларын билбэтэ, эрэммэтэ, билигин чыҥха атын хартыына. Төһө да кризис, сэрии буоллар судаарыстыба биһигитини бырахпат диэн эрэнэҕин. Хамнас, босуобуйа, биэнсийэ төлөнөр. Уматык кризиһэ эмиэ быстах кэмнээх көстүү. Мин саахар да манньаҕа урукку олоҕу баҕарбаппын, дойдуга ыһыллыы барда да иэдэйэбит. Онон былаас баартыйатыгар бу күһүн куоластыыбын. ЕР салайан олордун, оччоҕо салгыы да оскуолалар, суоллар, балыыһалар тутуллуохтара, льготалар, босуобуйалар төлөнүөхтэрэ, үлэ тохтуо суоҕа. Онтон былаас уларыйдаҕына дойдубутун саҥаттан атаҕар туруорарга эмиэ баһаам бириэмэ ирдэниэ, оччоҕо хас да хардыы кэннибитигэр бүдүрүйэбит. Оҕолорум инникилээх буолуохтарын баҕарабын, онон миэхэ дойдуга ыһыллыы төрүт наадата суох.