Арассыыйа култууратын үтүөлээх үлэһиттэрин Матрена уонна Алексей Павловтар көҕүлээһиннэ...
Арассыыйа култууратын үтүөлээх үлэһиттэрин Матрена уонна Алексей Павловтар көҕүлээһиннэринэн, Саха Өрөспүүбүлүкэтин Үүнэр көлүөнэтин судаарыстыбаннай тыйаатырыгар, 2024 сылтан «ҮКТэн» («Үүнэр Көлүөнэ Тыйаатыра - эн») диэн ааттаах сахалыы тыллаах о5о тыйаатырын устуудьуйата үлэлиир.🎭🎬 Бу устуудьуйаҕа, Дьокуускай куорат араас оскуолаларыттан 1-кы кылаастан 11-с кылааска диэри үөрэнэр о5о дьарыктанар. Бары сүүмэрдээһини ааhаннар, устуудьуйа тэриллибит күнүттэн, тыйаатыр айар эйгэтин быстыбат сорҕото буолаллар. Устуудьуйа салайааччытынан - Саха Өрөспүүбүлүкэтин үтүөлээх артыыһа Мария Никитична Данилова буолар. Кини салалтатынан, саха тылынан саҥарар о5олор артыыстыыр дьо5урдарын арыйан, тыйаатыр эйгэтигэр киллэрэн, артыыс маастарыстыбатыгар уонна сыанаҕа тутта-хапта сылдьыыга, саҥарыы үөрүйэҕэр бэйэбит тыйаатырбыт артыыстара уһуйаллар, эбии үөрэхтээһин быһыытынан дьарыктыыллар-үөрэтэллэр. Кинилэр көмөлөрүнэн, төрөөбүт төрүт тылларынан сайа саҥарарга, бэйэлэрин санааларын сахалыы көҥүл этинэргэ, сыанаттан куттаммат буоларга үөрэнэллэр. ‼️📣*Алтынньы 11 күнүгэр*, 1-кы кылаастан 11-с кылааска диэри үөрэнэр сахалыы саҥарар оҕолору тыйаатырга уһуйар, устуудьуйаҕа ыҥырабыт. ⏰ *Күнүс 14:30 чаастан киэһэ 16:00 чааска диэри.* 📍Буолар сирэ: Дьокуускай куорат, Лермонтов уул., 31/2Б Худуоһунньук дьиэтэ 📲 Б.т.: 8(996) 914-45-17 🎯Сыала-соруга: ▫️Оҕо төрөөбүт төрүт тылын билэригэр, таптыырыгар, тыл туттуллар эйгэтэ кэҥииригэр олук ууруу; ▫️Оҕону тыйаатыр умсугутуулаах эйгэтигэр киллэрии; ▫️ Артыыстыыр сатабыл кистэлэҥнэрин үөрэтии; ▫️ Саҥарар-иҥэрэр ускуустубаны баһылыырга, сыанаттан куттаммат буоларга эрчийии; ▫️ Оҕо дьиҥ ис кыаҕын арыйыы. Үүнэр көлүөнэ тыйаатырын пресс-киинэ