Арассыыйа култууратын үтүөлээх үлэһиттэрин Матрена уонна Алексей Павловтар көҕүлээһиннэ...
Арассыыйа култууратын үтүөлээх үлэһиттэрин Матрена уонна Алексей Павловтар көҕүлээһиннэринэн, Саха Өрөспүүбүлүкэтин Үүнэр көлүөнэтин судаарыстыбаннай тыйаатырыгар, 2024 сылтан «ҮКТэн» («Үүнэр Көлүөнэ Тыйаатыра - эн») диэн ааттаах сахалыы тыллаах о5о тыйаатырын устуудьуйата үлэлиир.🎭🎬 Устуудьуйа салайааччытынан - Саха Өрөспүүбүлүкэтин үтүөлээх артыыһа Мария Никитична Данилова буолар. ‼️📣Алтынньы 11 күнүгэр, 1-кы кылаастан 11-с кылааска диэри үөрэнэр сахалыы саҥарар оҕолору тыйаатырга уһуйар, устуудьуйаҕа ыҥырабыт. ⏰ Күнүс 14:30 чаастан киэһэ 16:00 чааска диэри. 📍Буолар сирэ: Дьокуускай куорат, Лермонтов уул., 31/2Б Худуоһунньук дьиэтэ 📲 Б.т.: 8(996) 914-45-17 🎯Сыала-соруга: ▫️Оҕо төрөөбүт төрүт тылын билэригэр, таптыырыгар, тыл туттуллар эйгэтэ кэҥииригэр олук ууруу; ▫️Оҕону тыйаатыр умсугутуулаах эйгэтигэр киллэрии; ▫️ Артыыстыыр сатабыл кистэлэҥнэрин үөрэтии; ▫️ Саҥарар-иҥэрэр ускуустубаны баһылыырга, сыанаттан куттаммат буоларга эрчийии; ▫️ Оҕо дьиҥ ис кыаҕын арыйыы. Үүнэр көлүөнэ тыйаатырын пресс-киинэ