«МИН БААР БУОЛУОХТААХ ХААРТЫСКАМ» 🎭
«МИН БААР БУОЛУОХТААХ ХААРТЫСКАМ» 🎭 СӨ Үүнэр көлүөнэтин судаарыстыбаннай тыйаатыра Виктор Астафьев суруйбут «Мин баар буолуохтаах хаартыскам» диэн драматическай испэктээкэги «Андрей Борисов хаарыан хампа кытыллара...» үбүлүөйдээх декадаҕа анаан көрдөрөр. ℹ️ Астафьев 1964 сыллаахха суруйбут айымньытыгар 30-с сыллар кэпсэнэр буоллахтарына, испэктээк көрөөччүлэри 1990-с сылларга Саха сирин биир уһук сытар сэлиэнньэтигэр аҕалар. Манна тыа сирин дьоно төһө да тыйыс усулуобуйаҕа олордоллор, дьоллоохтук сананаллара, ыраас-сырдык майгылаахтара көстөр. Кинилэр биир тэҥник устар олохторун эмискэ кытай геограба (кэпсээҥҥэ хаартыскаҕа түһэрээччи) кэлэрин туһунан сонун аймыыр. Географ сүрүн соругунан тыа дьонун-сэргэтин уонна тыытыллыбатах кэрэ айылҕаны хаартыскаҕа түһэрии эбит. Испэктээккэ дьон өйө-санаата, олоҕо ыалдьыт кэлиэҕиттэн хайдах уларыйара көстөр. Манна дьиҥнээх доҕордоһуу, дьиэ кэргэн уонна дьон сыһыаныгар баар үйэлээх сыаннастар суолталара үчүгэйдик арыллар. 🏆2025 сыл тохсунньу 22 күнүгэр Москуба куоракка “Кыһыл көмүс мааска” тыйаатыр национальнай бириэмийэтигэр «Бастыҥ испэктээк. Дыраама тыйаатыра. Кыра кээмэй» номинацияҕа түһэриллибитэ. 🎬 Туруорааччы-режиссёр — СӨ култууратын туйгуна Антон Ботаков. 🎨 Туруорааччы-худуоһунньук — СӨ култууратын туйгуна Мария Иванова. 🎭 Сүрүн оруолларга — СӨ үтүөлээх артыыһа Мария Данилова, эдэр артыыстар Сергей Эверстов, Мичил Хомподоев уонна да атыттар. ⏳ Уһуна: 1 чаас 20 мүнүүтэ 12+ 📅 Ахсынньы 2 күнүгэр, күнүс 13:00 🎟 Билэттэр: 44-40-32, sakhatuz.ru Пушкин каартатынан сылдьыы биһирэнэр.