Дьокуускайга оҕунан ытыыга Россия чемпионата саҕаланна — 30 июня 2026 г. в 02:33:21.804
Дьокуускайга оҕунан ытыыга Россия чемпионата саҕаланна Өрөспүүбүлүкэ киин куоратыгар оҕунан ытыыга сайыҥҥы Россия чемпионатын үөрүүлээх аһыллыыта буолла. 25 хамаандаттан 192 спортсмен кыттыылаах күрэхтэһиини Ил Дархан Айсен Николаев арыйда. Дьокуускайга Москваттан, Санкт-Петербургтан, Башкортостантан, Бурятияттан, Дагестантан, Тываттан, Чувашияттан, Забайкальскай, Краснодарскай, Красноярскай, Приморскай, Хабаровскай кыраайдартын, Иркутскай, Кемеровскай, Московскай, Новосибирскай, Псковскай, Ростовскай, Свердловскай, Тульскай, Челябинскай, Ярославскай уобаластартан, Ханты-Мансийскай, Ямало-Ненецкэй автономнай уокуруктартан хамаандар кэллилэр. Оттон саамай улахан хамаанданы Саха сирэ бэлэмнээтэ. Россия чемпионата генеральнай партнер «Ozon» хампаанньа өйөбүлүнэн ыытыллар. «Туймаада» стадиоҥҥа от ыйын 3 күнүгэр диэри күннэтэ 10 чаастан күрэхтэһиилэр саҕаланар буолуохтара. Хаартыска: Андрей Сорокин/ЯСИА