ГБУ РС(Я) «Управление ветеринарии с ветеринарно испытательной лабораторией Сунтарского улуса (района)»
Новости · 16 мая 2026 г.
Бэтэрээннэри э5эрдэлээтибит. — 16 мая 2026 г. в 02:37:38.311
Бэтэрээннэри э5эрдэлээтибит. Улуу Кыайыы күнүн киһи эрэ барыта өрө көтөҕүллэн туран көрсөр. Эһэлэрбит, эбэлэрбит хорсун быһыыларын умнубаппыт, кинилэринэн киэн туттабыт. Бу күн биһиги Кыайыы туһугар бэйэлэрин тыыннарын толук уурбут, сэрии толоонуттан тыыннаах эргиллибит хорсун сэрииһиттэри, тыылга хаалан Кыайыы туһугар түүннэри күннэри үлэлээбит дьоннору, сэрии сылын оҕолорун ахтан санаан ааһабыт, кинилэргэ сүгүрүйэбит, махтал тылларын этэбит. Тыыл бэтэрээннэ Мария Даниловна Иванованы, сэрии сылын о5отун, үлэ бэтэрээнин Владимир Гаврильевич Петрову тэрилтэ аатыттан Кыайыы күнүнэн эҕэрдэлээн туран бэлэхпитин туттартаан кырдьаҕастарбытын сүргэлэрин көтөхтүбут, үөрүү кыымын бэлэхтээтибит. Владимир Гаврильевич бочуоттаах сынньалаҥҥа олорон олоххо актыыбынай позициятын ыһыктыбат. Кыайыы күнүн чэрчитинэн политехническай лицей 5 кылаас, лесной санаторнай оскуола оҕолорун кытта кылаас чаастарыгар кыттыыны ылла, кыайыы вальсын хореограф Анна Чайновалыын үҥкүүлээн дьону үөртэ даҕаны, сөхтөрдө даҕаны. Ытык кырдьаҕастарбыт этэҥҥэ эрэ буоллуннар диэн алгыыбыт.