ГБУ РС(Я) «Управление ветеринарии с ВИЛ Амгинского улуса(района) с филиалом в Усть-Майском улусе (районе)»
Новости · 15 мая 2026 г.
Аhыы от — 15 мая 2026 г. в 02:57:34.125
Аhыы от «Аhыы от» (вех ядовитый) биhиги дойдубутугар биллэр дьааттаах оттортон биирдэстэрэ буолар. Үрдүгэ 1,2 миэтэрэҕэ тиийэр, суонумнастаах, умнаһын иһэ көндөй, (абааһы тайаҕар) майгынныыр. Суон силистээх, турнепс курдук дьүһүннээх, устатынан быстахха ис өттө быыhааhыннаах көндөй буолар. Үүнэр сирэ – күөл, үрэх уулаах кытыылара, онтон уута суох кураан сылга саас хонуутугар тахсар. Уулаах сылга ууга үүнэр буолан көстүбэт. Саас ким хайа иннинэ «аhыы от» көҕөрөр. Сыта петрушка сытын курдук буолар, онон бэйэтигэр сүөһүнү ордук тардар. «Аhыы от» сиэбит сүөһү 2 чаас буолан баран сүhүрэр. Cүһүрбүт сүөһү иннин диэки харса суох барар, онно манна кэтиллэ сылдьар буолар, иннэн охтубутун иһин туран син биир сирэйин хоту дьүккүйэр. Үргэ сылдьар буолар. Мунна баллайа иһэр. Хараҕа кытарар, харата улаатар, кэлин туохха да кыһаммат буолар, 1-6 чааhынан өлөр. Ол төһөнү сиэбититтэн тутулуктаах. Өлбүт сүөһү иһэ үллэн хаалар, кэннэ тахсар. Ыалдьыбыт сүөhүнү таттарыаниннинэ куртаҕын зонд нөҥүө сууйаллар, ол кэннэ 0,2 % танин суурадаhынынан, уу булкастаах үүнээйи арыытын, сылаа сууну 1-2 л.куталлар, өскөтүн таттарар буоллаҕына, суон ороҕоhунан хлоральгидрадтаах клизма оҥоhуллар. Сүрэҕин үлэтин күүһүрдэр сыалтан тирии аннынан кофеин туруоруллар. Сүөһүгүт суһурбутун биллигит да бэтэринээр үлэhиккэ биллэрэн баран, бастакы көмөнү оҥорон барыахтааххыт, ол курдук ууга үүнээйи арыытын булкуйан уонна ууну төһө кыайарынан иһэрдэ сатыахха наада. Сорохтор норуот ньыматынан кутуругун быһааччылар, кулгааҕын хайа анньааччылар. Сүөһүгүт «аhыы оту» наһаа элбэҕи сиэбит буоллаҕына өлүөн сөп. Оччоҕуна тута өлөрөн кэбиһиэххэ наада. Этэ лаборатория аналиhын кэнниттэн олус куhаҕана суох буоллаҕына туhаҕа тахсыан сөп. Саас сүөһүнү мэччирэҥҥэ ыытыах иннинэ, уу кытыыларыгар, бадарааннаах сирдэргэ аhыы от баар буоллаҕына ылҕаан, хомуйан кэбиhиэххэ наада. Кыаллар буоллаҕына күрүөлүөххэ наада. Маннык от үүнээр сиригэр сүөһүнү мэччиппэт ордук буолар. Семен Филиппов, Амма улууһун бэтэринээрнэй сулууспа сүрүн исписэлииһэ