Горнай Улуус төрүттэммитэ 95 сыллаах үбүлүөйдээх Үрүҥ Тунах Ыһыаҕар — 26 июня 2026 г. в 03:25:27.976

Горнай Улуус төрүттэммитэ 95 сыллаах үбүлүөйдээх Үрүҥ Тунах Ыһыаҕар Үрүӈ Тунах Ыһыах биир күүтүүлээх күрэхтэһиитинэн, нэһилиэктэр икки ардыларынааҕы «Тоҕус туруйа, сэттэ кыталык кыргыттар» 17 түһүмэхтээх этно-эстафета буолла. Быйылгы сүүрүүгэ сэттэ хамаанда таҕыста. Олус тыӈааһыннах сүүрүүлэр түмүктэринэн бастакы миэстэни Бэрдьигэстээх, иккиһи Одуну, Кировскай нэһилиэгэ үсүһү ылла. Кировскай командатыгар коллегабыт ветеринар Семен Дьячковскай кыттыыны ылла.   Ханнык баҕарар Ыһыаҕы киэргэтэр ат сүүрдүүтүгэр сэттэ дьөһөгөй оҕото таҕыста. Одунуттан, Мытаахтан үстүү уонна Бэрдьигэстээхтэн биир ат сүүрдэ. 1000 м (саха аттара) 1 «Ыйдаӈа» (Мытаах) 2 «Кэнчээри» (Одуну) 3 «Бүргэс» (Бэрдьигэстээх) 1000 м (сиэнчэрдэр): 1 «Котрус» (Одуну) 2 «Хара уол» (Одуну) 3 Дьэргэс» (Мытаах) 2400 м 1 «Ыйдаӈа» (Мытаах) 2 «Котрус» (Одуну) 3 Дьэргэс» (Мытаах)   Ат сүүрдүүтүн бастыӈнара сыаналаах бириистэринэн наҕараадаланнылар ол курдук Мытаах аттарын жокей-Юрий Васильев ветеринарнай быраас  сүүрдэн кыайыы өрөгөйүн биллэ. Улуус салайааччыларыттан ураты, тыа хаһаайыстыбатын сайдыытыгар үлэлии-хамсыы сылдьар дьоммут, ат спордун сүгүрүйээччилэрэ бу көрүӈ симэлийбэтин, тохтооботун туһугар күүскэ өйүүллэрин көрдөрбүттэрэ махталлаах дьыала. Бииргэ үлэлиир коллегаларбытын ситиһиилэринэн эҕэрдэлиибит.