Госпаблик МАХ ГБУ РС (Я) "Управление ветеринарии с ВИЛ Вилюйского улуса (района)"
Новости · 12 февраля 2026 г.
Кыадаҥдаҕа, Чочуга тыа хаһаайыстыбатын боппуруостарын дьүүллэстилэр — 12 февраля 2026 г. в 01:47:30.444
Кыадаҥдаҕа, Чочуга тыа хаһаайыстыбатын боппуруостарын дьүүллэстилэр Олунньу 11 күнүгэр, улуус тыатын хаһаайыстыбатын салаатын тэрилтэлэрин салайааччылара Кыадаҥда уонна Чочу олохтоохторун кытта көрүстүлэр. Кыадаҥда уонна Чочу олохтоохторун кытта Павел Иннокентьев, "Сыа Бүлүү" астыыр-үөллүүр кэпэрэтиип дириэктэрэ Алексей Кондратьев, ветеринария управлениетын салайааччы Лидия Иванова, мелиорация Бүлүүтээҕи тэрилтэтин салайааччы Михаил Алексеев, улуус агронома Марианна Корнилова көрүстүлэр. Көрсүһүүгэ Чочу нэһилиэгин баһылыга Николай Прокопьев кытынна. Департамент салайааччыта Павел Иннокентьев тыа хаһаайыстыбатын үбүлээһин саҥа мэхэньиисимнэрин билиһиннэрдэ, итиннэ кэпэрээссийэҕэ, учуокка улахан болҕомто уурулларын бэлиэтээтэ. Тэрилтэлэр салайааччылара быйыл үп-харчы кырыымчык кэмигэр үлэ хайдах тэриллиэҕин, былааннары, саҥа ирдэбиллэри билиһиннэрдилэр. Олохтоохтор тыа хаһаайыстыбатын тэрилтэлэригэр, ол иһигэр, хортуоппуй үүннэрээччилэргэ төһө көмө көрүллүбүтүн, үүт туттарыытын, кэпэрээссийэни тэрийиини, ыанар ынах төбөтүгэр субсидия бэриллэрин туоһуластылар. Алексей Кондратьев, Лидия Иванова, Михаил Алексеев элбэх ыйытыкка сиһилии быһаарыы биэрдилэр.