ГБУ РС(Я) «Усть-Алданская Центральная районная больница»
Здоровье · 27 октября 2026 г.
🔹Нэһилиэктэр баһылыктарын былаанныыр мунньахтара ый аайы олус элбэх боппуруоһу ырытыһы...
🔹Нэһилиэктэр баһылыктарын былаанныыр мунньахтара ый аайы олус элбэх боппуруоһу ырытыһыылаах барар үгэстээх. Буолумуна, ыйга биирдэ мустар баһылыктары кытта тустаах тэрилтэлэр салайааччылара миэстэтигэр кэлэн быһаарсаллара табыгастаах. Бүгүҥҥү мунньах бэбиэскэтигэр түөрт сүрүн боппуруос турда. Ол курдук, доруобуйа харыстабылын хайысхатыгар нэһилиэнньэни диспансеризациялааһыны, ФЛГ-га түһэриини тэрийии туһунан иһитиннэриини кылаабынай быраас Сергей Черкашин оҥордо. Социальнай көмүскэл комплекснай киинин салайааччытын э.т. Елена Кривошапкина – өрөспүүбүүлүкэ үрдүнэн байыаннай дьайыы кыттыылаахтарын, кинилэр дьиэ кэргэттэрин өйөөһүҥҥэ туһуламмыт былааны сөптөөхтүк уонна бириэмэтигэр оҥорон тиэрдии туһунан, “Ростехнадзор” Уус Алданнааҕы сотруднига Иван Портнягин 2026-2027 сс. оттукка киирии пааспарын туттарыы туһунан дакылааттары оҥордулар. Төрдүс боппуруоһунан турбут улуус хаһыатыгар сурутуу үлэтин тэрийиигэ, нэһилиэк икки редакция икки хардарыта туһалаах үлэни ыытарга хаһыат кылаабынай редактора Наталья Попова этиилэри киллэрдэ. Мунньахха итини таһынан улуустааҕы култуура, үөрэхтээһин, тыа хаһаайыстыбатын, баайы-дуолу бас билии управлениета, ДьУоКХ, кииннэммит бибилэтиэкэ, почта сибээһин салайааччылара баар кыһалҕаны, үлэни-хамнаһы быһаарсаары кэлбиттэр. Бүгүҥҥү олохпут көстүүтэ – ханна да харчы татыма, тастан үбү булуу соруга, үлэ миэстэтин сарбыйыы курдук кыһалҕалар барыбытын хаарыйдылар. Ол гынан баран, манна кими да буруйдаабакка, тирээн кэлбит олох кыһалҕатыгар бэлэмнээх, биир дьыала туһугар түмсүүлээх буоларга куруутун ыҥырар улууспут баһылыга Василий Алексеев турбут боппуруостары барытын бэрт холкутук, эйэ-дэмнээхтик быһаара олорбута, сүбэ-соргу биэрбитэ инникигэ эрэллээх буолууну сахта. 📲Мах-каналбытыгар сурут ⬇️ https://max.ru/channel_ua_murusahargata ✅ @uamurusahargata @ulusmedi