ГР

ГБУ РС(Я) «Усть-Алданская Центральная районная больница»

Госорганы и учреждения · 4 ноября 2026 г.

Открыть канал в MAX

🎉 Россия уонна Саха Өрөспүүбүлүкэтин үтүөлээх бырааһа, СӨ бочуоттаах кырдьаҕаһа, "Граж...

🎉 Россия уонна Саха Өрөспүүбүлүкэтин үтүөлээх бырааһа, СӨ бочуоттаах кырдьаҕаһа, "Гражданскай килбиэн" бэлиэ хаһаайына Варвара Сыроватская Москва куоракка РФ доруобуйа харыстабылын миниистирэ Михаил Мурашко илиититтэн «За наставничество в здравоохранении» мэтээли тутта👏🏻👏🏻👏🏻 Варвара Дмитриевна сэтинньи 2-3 күннэригэр «Национальное здравоохранение» Национальнай V конгресска кытынна, наҕараадалыыр чаас сэтинньи 3 күнүгэр конгресс үлэтин түмүктүүр үөрүүлээх тэрээһиҥҥэ буолла. Доруобуйа харыстабылыгар 60-с сылын таһаарыылаахтык үлэлии сылдьар Варвара Сыроватская 1946 сыллаахха ахсынньы 3 күнүгэр Өспөх нэһилиэгэр күн сирин көрбүтэ. Доруобуйа харыстабылын эйгэтигэр 1966 сылтан үлэтин сиэстэрэттэн саҕалаан 60-с сылын үлэлиир, ол иһигэр 1975 сылтан улууска төрүүр балыыһа сэбиэдиссэйинэн, акушер-гинеколог бырааһынан 51-с сылын үлэлии-хамсыы сылдьар. Кини – улууспут, республикабыт биир тарбахха баттанар уопуттаах бырааһа, үрдүк таһымнаах салайааччы, сатабыллаах тэрийээччи. Үлэлээбитин тухары Россия араас куораттарынан идэ таһымын үрдэтэр үөрэхтэри ааһан, уһун кэмнээх үлэтин баай уопутунан бу кэм устата үгүс элбэх үлэһити үлэ ымпыгар-чымпыгар такайан, уһуйан сыһыарбыт үтүөлээх. Ол курдук кини салайыытынан аҕыс акушер-гинеколог быраас үүнэн-сайдан республикабыт араас муннуктарыгар ситиһиилээхтик үлэлии сылдьаллар. Күн бүгүн улуустааҕы төрүүр балыыһа быраастара, сиэстэрэлэрэ 100 % үрдүк квалификациялаах категориялаахтар. Икки РФ доруобуйа харыстабылыгар туйгуна, СӨ доруобуйатын харыстабылын туйгуна 10 киһи бааллар. Отделение тыа сирин усулуобуйатыгар ийэ уонна оҕо доруобуйатын туһугар араас эмтиир ньымалары, аныгы тэриллэри туһаныыны биир бастакынан хаачыстыбалаахтык тэрийэр буолан, бастыҥ үлэлээҕинэн ситиһиитэ үгүс. Улууспутугар төрүүр балыыһа быйыл 90 сыллаах үбүлүөйүн бэлиэтээбитэ. Онон бу үөрүүлээх түгэнинэн үйэ чиэппэриттэн ордук кэм устата үрдүк билиитин, уҕараабат кыһамньытын, үтүмэн сыратын ууран тыһыынчанан оҕону күн сирин көрдөрбүт, ийэ, оҕо доруобуйатын көрөн-истэн, араҥаччылаан кэлбит үрүҥ халааттаах аанньалбытын Варвара Дмитриевнаны үрдүк наҕарааданы туппутунан итиитик-истиҥник эҕэрдэлиибит! ✍️Мария Аргунова 📲Мах-каналбытыгар сурут ⬇️ https://max.ru/channel_ua_murusahargata ‎ ‎🌐 https://мюрюгазета.рф/ ‎ ‎✅ @channel_ua_murusahargata @ulusmedia