НАМ УЛУУҺУГАР СӨ БЫРАБЫЫТАЛЫСТЫБАТЫН ОТЧУОТА ТҮМҮКТЭННЭ — 2 марта 2026 г. в 04:55:11.027
НАМ УЛУУҺУГАР СӨ БЫРАБЫЫТАЛЫСТЫБАТЫН ОТЧУОТА ТҮМҮКТЭННЭ Олунньу 27 күнүгэр, Нам улууһугар Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы, СӨ Уһук Илиҥҥи бэдэрээлинэй уокурукка бастайааннай бэрэстэбиитэлэ Ким Борисов салайар бөлөҕө СӨ Бырабыыталыстыбатын 2025 сыллаах отчуоттуур үлэтин Ленскэй нэһилиэгинэн түмүктээтэ. Мунньахха элбэх этии, ыйытыы киирдэ: ✅Ветеринарнай сулууспа үлэһиттэрэ «прочие категории» киирбиттэрэ өйдөммөт, онон бу боппуруоска дьиҥнээх балаһыанньаны быһаарар эппиэт күүтэбит диэн этии киирдэ. ✅Нам уонна Эдьигээн улуустарын ветеринарнай сулууспалара биир управлениеҕа холбоммуттара үлэҕэ сүрдээх уустуктары таһаарар, онон сулууспалары тус-туспа араарарга туруорсабыт диэтилэр. ✅Урут баар буола сылдьыбыт био-дьаамалар (утилизациялыыр сирдэр) билигин суохтар. Санитарнай-эпидемиологическай турук кутталлаах буолбатын туһугар био-дьаамалары тутууну эбэтэр сөргүтүүнү болҕомтоҕо ылар наадатын эттилэр.