#НОВОСТИВЕРХНЕВИЛЮЙСКОЙЦРБ — 7 августа 2026 г. в 12:50:11.108
#НОВОСТИВЕРХНЕВИЛЮЙСКОЙЦРБ #МОБИЛЬНЫЕДОКТОРА https://vvil.mzsakha.ru/news/32720 Дьокуускай быраастарын мобильнай биригээдэтэ Үөһээ Бүлүүгэ үлэлээтэ Атырдьах ыйын 2-3-с күннэригэр Нам нэһилиэгэр, онтон салгыы атырдьах ыйын 4-6 чыыһылаларыгар Үөһээ Бүлүү киинигэр Дьокуускай куорат үрдүк таһымнаах эмчиттэрин мобильнай биригээдэтэ кэлэн ситиһиелээхтик үлэлээтэ. Бу күннэргэ улуус иһинээҕи нэһилиэктэртэн уонна киинтэн сүүһүнэн киһи кэлэн, идэтийбит куорат бастыҥ исписэлиистэригэр туох да төлөбүрэ суох, буор-босхо бэрэбиэркэленэр улахан кыаҕы туһаннылар. Кылгас кэм иһигэр эмчиттэр күүскэ турунан үлэлээтилэр. Быраастар сарсыарда 9 чаастан киэһэ 17 чааска диэри биир да киһини хаалларбакка, кэлбит дьону барыларын тыыннаах уочарат бэрээдэгинэн көрөн-истэн, туһааннаах болҕомтону анаатылар. Мобильнай биригээдэ састаабыгар нэһилиэнньэҕэ саамай наадалаах испэсэлиистэр, ол курдук кардиолог, невролог, онколог, акушер-гинеколог, травматолог, дерматолог уонна оҕо бырааһа — педиатр кэлэн үлэлээтилэр. Ону таһынан, эмтэнии хаамыытын чопчулуурга уонна диагноһы https://vvil.mzsakha.ru/news/32720