#ВЕРХНЕВИЛЮЙСКАЯЦРБ
#ВЕРХНЕВИЛЮЙСКАЯЦРБ МАХТАНАБЫТ! Ытыктабыллаах Галина Дионисьевна! Үөһээ Бүлүүтээҕи киин балыыһа коллективын, улуус уонна Боотулу олохтоохторун аатыттан эйиэхэ уонна «Сахамедстрах» хампаанньа бары үлэһиттэригэр ис сүрэхтэн тахсар махталы тиэрдэбит! Саҥа арыллыбыт Боотулу врачебнай амбулаториятын аныгылыы тэриллэринэн хааччыйыыга улахан таһымнаах көмөҕүт иһин, доруобуйа харыстабылын сайдыытыгар киллэрбит сүҥкэҥ кылааккытын улаханнык сыаналыыбыт. Эһиги көмөҕүтүнэн Боотулу нэһилиэгин дьоно-сэргэтэ ыраата барбакка, олорор сирдэригэр хаачыстыбалаах, аныгы медицинскэй көмөнү кэмигэр ылар кыахтаннылар. Эһиэхэ кытаанах доруобуйаны, үлэҕитигэр үрдүк ситиһиилэри уонна олоххутугар этэҥҥэ буолууну баҕарабыт! Дьон доруобуйатын туһугар оҥорор үтүө дьыалаҕыт мэлдьи кэрэхсэнэ турдун, үөрүү-дьол тулаҕытын сырдаттын! Ытыктабылы кытта, Үөһээ Бүлүүтээҕи киин балыыһа кылаабынай бырааһа С.Н. Павлова