Бөтендөнья хайваннарны яклау көнендә интернатыбызда тематик чара үткәрелде. Ул укучыла...
Бөтендөнья хайваннарны яклау көнендә интернатыбызда тематик чара үткәрелде. Ул укучыларда хайваннарга карата сакчыл караш, шәфкатьлелек һәм җаваплылык тәрбияләүгә багышланган иде. Укучылар башта хайваннар дөньясына багышланган фильм карадылар. Аннары "Кызыл китап" битләренә күчтеләр: сирәк очрый торган, юкка чыгу куркынычы янаган хайваннар турында сөйләштеләр. Чараның иң җанлы өлеше — викторина булды. Балалар сорауларга актив җавап бирделәр, үзләренең белемнәрен һәм зирәклекләрен күрсәттеләр. Аеруча җылы мизгел — укучыларның үз йорт хайваннары турында ихлас итеп сөйләве. Этләре, мәчеләре, кошлары һәм башка яраткан хайваннары хакында сөйләделәр, алар белән бәйле кызыклы вакыйгаларны уртаклаштылар. Мондый чаралар балаларны хайваннарны якларга, аларга кайгыртучан булырга өйрәтә. Хайваннар — безнең кече дусларыбыз, ә аларга мәхәббәт һәм мәрхәмәт кешенең үзен дә рухи яктан баета. Интернатыбызда узган бу чара да укучыларның йөрәкләрендә изге хисләр уятты, дип ышанып әйтә алабыз. #ГимназияАктаныш Образовательные организации Республики Татарстан принимают активное участие в реализации: проектов Приволжского федерального округа: Олимпиада «IQ ПФО», Фестиваль «ВЕРНУТЬ ДЕТСТВО», проект ПФО «Герои Отечества», проект «Гвардеец» ПФО, проектов Российского общества «Знание», федерального проекта «Навигаторы детства», реализуемого при поддержке Министерства просвещения Российской Федерации