🏕️ «Күзел» майгын лагериниң бирги ээлчээ доозулган — 19 июня 2026 г. в 04:23:14.320
🏕️ «Күзел» майгын лагериниң бирги ээлчээ доозулган Кижи бүрүзү арыг агаарлыг черге дыштаныксаар, майгынга чурттап, эштери-биле одаг долгандыр ырлап олурар күзел кымда чок боор. Улуг-Хем кожууннуң девискээринде «Чодураа» лагериниң базазында Күзел аттыг шак-ла ындыг майгын лагери ажылдап турар. Лагерьниң бирги ээлчээнде, июнь 12-18 хүннеринде, уруглар бойдус-чурумалдыг черге спортчу маргылдаалар, квест-оюннар, гитарага ырылар-биле долган хөглүг үени эрттиргеннер. Бирги ээлчегде майгын лагеринге 30 уруг дыштанган: 15 оол, 15 уруг. «Күзел» лагери 2023 чылдың чайынында ажылдап эгелээнин сагындыраал. Уруглар ону аажок сонуургаан. Смена 7 хонук үргүлчүлээр. «Чодураа» лагериниң чанында болгаш, чугула херек инфраструктура бар: чунар-бажың, столовая, спортчу шөлчүгеш, чайгы театр, эмчи блогу. Майгын лагериниң уруглары кол лагерьниң шупту чүүлдерин ажыглап болур. «Күзел» майгын лагериниң ийиги сезону июнь 23-те эгелээр. Мы в ВКонтакте | Мы в MAX