🔹 Перевод на хакасский язык осуществил ведущий научный сотрудник ХакНИИЯЛИ, к.ф.н.
🔹 Перевод на хакасский язык осуществил ведущий научный сотрудник ХакНИИЯЛИ, к.ф.н. А.С. Кызласов. Ағбандағы тимір итчең заводтың ах гвардеецтерге 1919 чылда ӧдірткен тоғысчыларының харындас сыырады 🔸 Гражданскай чаа чылларында Хакасия чирінде тоғысчылар чаа киректерінде, партизан отрядтарын тӧстирінде ӧткін араласханнар, Кравченко-Щетинкиннің партизан армиязына, тиріглернең, ух-тарнаң, ас-тамахнаң читкіҷе пиріп, ідӧк предприятиелерде табылчатхан ресурстарны арачылааннар. 🔸 Іди Абаза городта Ағбандағы тимір итчең заводтың тоғысчылары партизаннар отрядына сыбыра хабасчаңнар. Партизаннарға читкіҷе ниме пирерін тохтадар пӧгіннең Колчактың армиязының отрядтары 1919 чылның кічіг хырлас айына читіре Абазаны туйухтааннар. 🔸 1919 чылның улуғ хырлас айында Таштып ааалзар продотряд ызылған, аның санына кіргеннер: С. М. Байкалов, А. А. Белов, Е. Р. Дейков, А. В. Лавров, И. Н. Завьялов, Н. Ф. Токмашев паза В. М. Тугузеков. "Халас национализациязы" соонда тарын парған мунзурухтар постарының кізілерін Чоғархы Курлугаш аалзар ысханнар, анда ол туста ах казактарның отряды полған. Таштыптаң Абазазар парчадып, ах казактар «хыйыхтағҷыларына» чидіп, халастарын пылазып алғаннар, аның соонаң иреелеп ӧдір салғаннар. Ӱреен кізілерні улуғласнаң харындас сыырадында чыып салғаннар. 🔸 Пастап чыған чирде пазымнығ ағас кірес турғызылған, че 1927 чылда «Иргі литейщик» артельнің тоғысчылары, чугуннаң урылған плита салып, сыыратта турғыс салғаннар. 1957 чылда, Совет ӱлгӱзі турғызылғаннаң 40 чыл толчатханына чарыдып, харындас сыырадында Ағбандағы рудниктің комсомолец-пӱдірігҷілері кӱзінең иткен тимір-бетон хумартхы тас турғызылған. #Сохранимнаследиевместе #ГосохранинспекцияРеспубликаХакасия