Госпаблик МБОУ "Хаяхсытская СОШ имени А. П. Илларионова"
Образование · 10 июля 2026 г.
🌈🌿🌸 Бүгүн Хайахсыт нэһилиэгэр «Сайын бэлэҕэ» дьаарбаҥка — 10 июля 2026 г. в 13:24:19.840
🌈🌿🌸 Бүгүн Хайахсыт нэһилиэгэр «Сайын бэлэҕэ» дьаарбаҥка Бүгүн, от ыйын 10 күнүгэр, Хайахсыт нэһилиэгэр «Сыккыс» оҕо үлэ уонна сынньалаҥ лааҕыра үлэтин түмүктүүр «Сайын бэлэҕэ» диэн дьаарбаҥката буолан ааста. Бу сайын биһиги оҕолорбут айылҕаны кытта алтыһан, үөрэнэн-сайдан, айан-тутан, элбэх саҥаны арыйан, умнуллубат кэрэ кэмнэри атаардылар. Кинилэр айар дьоҕурдарын толору арыйан, илиилэринэн хомуйбут, оҥорбут үлэлэрин атыыга таһаардылар. Дьаарбаҥкаҕа лааҕыр иһинэн оҕолор хомуйбут эмтээх отторо, сайыҥҥы кэрэ сибэккилэринэн оҥоһуллубут дьикти хартыыналар, сүөгэй уутуттан оҥоһуллубут тымныы быырпах уонна куулунан туос атыыланна. Бу тэрээһин оскуолабыт "Саха сатабыла" диэн саҥа бырагырааматыгар олоҕуран, оҕо урбаанньыт (предпринимательскай) сатабылын сайыннарар сыаллаах тэриллибитэ. Оҕолор бэйэлэрин үлэлэрин дьоҥҥо көрдөрөн, атыылаан, тугу оҥорбуттарын сыанатын билэн, саҥа уопуту ыллылар. Бу кэрэ күнү биһигини кытта үллэстибит, көхтөөх кыттыыны ылбыт күндү төрөппүттэрбитигэр уонна ытыктабыллаах нэһилиэкпит олохтоохторугар дириҥ махталбытын тиэрдэбит! Эһиги өйөбүлгүт оҕолорбут айар дьоҕурдарын өссө күүскэ сайыннаралларыгар тирэх буолар. Хас биирдии лааҕырбыт оҕото үлэлээбит үлэлэрэ сыаналаммытыттан, оҥорбут бородууксуйалара үксэ атыыламмытыттан олус үөрдүлэр 🙌🏽 #КреативныйЦентрAYAR #СредаВозможностей #СредаВозможностейФТ #ФондТимченко