Бүгүн 4 б кылаас "Эбээ, эһээ оскуолата" бырайыак чэрчитинэн Дьокуускай к.40 #дээх оску... — 18 мая 2026 г. в 17:08:13.178
Бүгүн 4 б кылаас "Эбээ, эһээ оскуолата" бырайыак чэрчитинэн Дьокуускай к.40 #дээх оскуолатын 4 кыл үөрэнээччилэрин кытта түмүктүүр тэрээһин ыытылынна. Бу дьылабыай оонньууга оҕолор "Саха тылын хайдах сайыннарыахха сөбүй" диэн тиэмэҕэ санааларын эттилэр, бөлөхтөрүнэн бырайыак оҥорон көмүскээтилэр. Кинилэр үлэлэрин бэтэрээн педагогтар Александра Гаврильевна, Зоя Павловна, Маргарита Семеновна сыаналаатылар. Хас дебат аайы оҕолор санааларын этэллэрэ сайдан, кыһалҕаны таба көрөн, онтон тахсар суолу көрдүүр уонна көмүскүүр дьоҕурдара сайдан иһэрэ үөрдэр. Ааспыт 40-с оскуолаҕа ыытыллыбыт дьыалабыай оонньуу түмүгүнэн саамай көхтөөх кыттааччылар Жерготов Дьулустаан, Бурнашев Дабаан Саха Өрөспүүбүлүкэтин Ил Түмэн оҕо уонна дьиэ кэргэн кэмитиэтиттэн "Перспективный законотворец" диэн анал ааттаах махтал суругунан наҕараадаланнылар. Маны таһынан Россиятааҕы "Первые шаги в науке" НПК лауреата буолбут Ноев Маракка анал бэлиэ туттардылар. Бүгүҥҥү оонньууга көхтөөх кыттааччыларынан экспертэр Филиппов Павелы, Копырина Нарыянаны, Архипова Самираны уонна Стручкова Самияны бэлиэтээтилэр. Бу дьыалабыай оруолларынан оонньуу тэрийээччитигэр Валентина Дамдиновнаҕа, эбээлэр түмсүүлэрин үлэлэтэн түөрт сылы быһа тиһигин быспакка араас интэриэһинэй тэрээһиннэри оҥорбут Александра Гаврильевнаҕа үүнэр көлүөнэ туһугар ахсаабат кыһамньыгыт, уҕараабат үлэҕит иһин ис сүрэхпититтэн махтанабыт👏🏼❤️