Ыам ыйын 22 күнугэр Айыы Кыьатыгар хас биирдии 4-с кылаас үөрэнээччитигэр, кинилэр төрө... — 27 мая 2026 г. в 07:53:43.724
Ыам ыйын 22 күнугэр Айыы Кыьатыгар хас биирдии 4-с кылаас үөрэнээччитигэр, кинилэр төрөппүттэригэр уонна учууталларыгар ураты долгутуулаах, үөрүүлээх уонна ситиһиинэн туолбут күнүнэн буолла. Бу күн оскуолабыт сырдык саалатыгар алын суьуегу түмүктээбит 4 "а", 4 "б", 4 "в", 4 "г" уонна 4 "д" кылаастар выпускниктарыгар анаммыт «Алыптаах чуораан» торжественнай линейката үрдүк таһымҥа буолан ааста. Төгүрүк түөрт сыл тухары билии уонна доҕордоһуу эйгэтигэр уһуйуллубут оҕолорбут орто оскуола таһымыгар эрэллээхтик үктэнэр кэрэ бэлиэ кэмнэрэ ыытылынна.Хас биирдии үөрэнээччи түөрт сыллаах сыралаах үлэтин, ситиһиитин уонна таланнарын сыаналыыр ураты кэм үүннэ. Тэрээһин саамай суолталаах чааһынан наҕараадалааһын буолла:Хас биирдии выпускник бэйэтин кыайыыларын, үөрэххэ, спорка, айар үлэҕэ уонна уопсастыбаннай олоххо көрдөрбүт актыыбынай кыттыытын иһин үөрүүлээх быһыыга-майгыга грамоталарынан, дипломнарынан уонна махтал суруктарынан на5араадаланна. Тэрээһин саамай кэрэ киэргэлэ, кэрэ түгэнинэн выпускниктар вальс үҥкүүлэрэ буолла. Выпускниктарбытыгар уруй-туску, сырдык суолу уонна ситиһиилээх үөрэҕи баҕарабыт!