Айыы Кыһатын тумус үөрэнээччитэ Сандаара Неустроева Москва куоракка буолбут «Форум през... — 25 июня 2026 г. в 13:06:53.664
Айыы Кыһатын тумус үөрэнээччитэ Сандаара Неустроева Москва куоракка буолбут «Форум президентов школ» тэрээһиҥҥэ кыттан кэллэ. Уопсайынан, Арассыыйа 89 регионуттан уонна Байконуртан президеннары таланнар, финалга «Летово» оскуолаҕа ыҥырбыттар. «Форум финалыгар киирбиппиттэн олус үөрбүтүм. Эдэр активист оҕолорго маннык улахан сайдар площадканы тэрийбиттэриттэн олус соһуйдум. Бастакы күн Артур Валерьевич Орловтыын (Бастакылар хамсааһыннарын бэрэссэдээтэлэ) уонна Александр Сергеевич Кудряшовтыын (Росдетцентр бэрэссэдээтэлэ) аһаҕас кэпсэтиилэр буолбуттара. Иккис күн бэйэбит талан лиэксийэлэргэ сылдьыбыппыт. «Команда президента школы», «Эмоциональная саморегуляция» «Модель школьного самоуправления будущего» «Как превратить школу в пространство возможностей» диэн лиэксийэлэргэ сылдьыбытым. Лиэксийэлэри өр сыл оскуола самоуправлениетыгар үлэлээбит экспертар ыыппыттара. Ол таһынан Үөрэнээччилэр бэйэни салайыныыларын Хакатона буолан ааспыта.Просвещение Министиэристибэтигэр сылдьан, РАНХиГС проректорын Александр Викторович Спиринныын уонна Студенческай Сэбиэт бэрэссэдээтэлин Анастасия Саган диэн кыыстыын аһаҕас кэпсэтиигэ көхтөөхтүк кыттыһан, РАНХиГС устунан экскурсия ааһан, бэйэбитигэр бу сылларга былаан туруоруннубут. Оҕолордуун уопут атастаһан, элбэҕи билэн-көрөн, доҕордоһон, бэйэбит оскуолаларбытын үчүгэй өттүттэн көрдөрдүбүт, өссө да араас тэрээһиннэргэ көрсүөхпүт диэн эрэнэбит. Махтанабын куруук күүс-көмө, өйөбүл буолар наставниктарбар Кристина Дмитриевна Егороваҕа, Екатерина Дмитриевна Рыкуноваҕа. *Сандаара Неустроева*