Күндү оскуолабыт үөрэнээччилэрэ, учууталлара, төрөппүттэрэ🌿🌿🌿Биһиги оскуолабытыгар а... — 2 июля 2026 г. в 03:55:38.144
Күндү оскуолабыт үөрэнээччилэрэ, учууталлара, төрөппүттэрэ🌿🌿🌿Биһиги оскуолабытыгар араас интириэстээх, айар куттаах оҕолор үөрэнэллэр-иитиллэллэр. Ол курдук 10 б кылаас үөрэнээччитэ Айыына Тарасова Дьокуускадааҕы Л. И. Ким аатынан оҕо художественнай оскуолатын туйгуннук бүтэрбитинэн бастакы персональнай быыстапката керамическай кылааска уһуйбут учуутала Гуляева М.Н.-Туойа ыллыктаах этиитинэн уонна бу оскуола, Н.Д. Неустроев аатынан Смарт библиотека кеҕүлээһиннэринэн үөруулээхтик арылынна. Бу бэлиэ күҥҥэ Айыынаны куруук өйүүр, быыстапка тэрээһинигэр көмөлөспүт, биир интэриэстээх маҥнайгы кылаастан үөрэммит дьүөгэтэ Розалина Григорьева, куруутун үтүө сүбэнэн арыаллаһар күндү учууталлара алын кылааска үөрэппит кылааһын салайааччыта Е.Н.Тарская, билигин кылааһын салайааччыта С.А.Хоютанова, география учуутала К.А. Ильина бэс ыйын 30 күнүгэр үөрүүлээх арыллыыга, искусство эйгэтигэр Айыына үлэлэринэн алгыстаах санаа үллэстиитигэр, экскурсияҕа ыалдьыттаатылар. Бу курдук биһиги оскуолабыт оҕону арыйар, бэйэтигэр эрэллээх суолун, дьоҕурун тобулар, төрөөбүт дойдутугар тапталлаах эйгэҕэ иитэр. Быыстапка үөрэнэр түөлбэбит библиоиекатыгар турбута эмиэ бэлиэ, манна оскуолабыт оҕолоро кылааһынан сылдьаллар, дьиэ кэргэнинэн ааҕаллар, бу түөлбэҕэ олороллор. Куруутун үөрэ көрсөр, Айыына «Мир Олонхо П.А. Ойунского» (холст, сиэл, тигии, малая пластика, круглые скульптуры ньымаларынан оноһуллубут) дипломнай үлэтигэр элбэх методическай көмөнү оҥорбут быйылгы «Библиотекарь года» аатын ылбыт айымньылаах үлэлээх М.В. Беленкова тэрээһини олус истиҥник салайан ыытта. Быыстапка от ыйын 20 күнүгэр диэри аһаҕас, үтүө, сырдык санаалаах кэрэни кэрэхсии кэлэргитигэр ыҥырабыт🌿🌿🌿Буолар сирэ: Смарт библиотекаҕа. ☀️☀️☀️Удьуор утума салҕаннын, Айар аартык арылыннын, Алгыс арыалластын 🌳🌳🌳