👋☀️🍂 Күндү оҕолор, төрөппүттэр, учууталлар!
👋☀️🍂 Күндү оҕолор, төрөппүттэр, учууталлар! Оҕолоргутун "УРАН" уһуйаанҥа суруттараргытыгар ыҥырабын. Сахалар кыыс оҕону былыр былыргыттан харыстаан иитэллэр. Омук инники кэскилэ, үүнэр-сайдар кыаҕа, нус-хас олоҕо кыыс оҕо иитиититтэн тутулуктаах. Ол иһин кыыс оҕону, омук анала диэн этэллэр. Түҥ былыргыттан төрүт идэлэргэ киирбит дарыктартан биирдэстэрэ - ИИС идэтэ буолар. Кыыс оҕо иискэ сыһыннаҕына үлэ тыынын иһиттэн билэ үөрэнэр. Илиитигэр уус-уран тарбахтаах буола иитиллэ улаатар. Көрөрө-истэрэ, мындыр толкуйа дьүөрэлии сайдар. Уран илиилээх кыыс хайа баҕар, кырыымчык да түгэҥҥэ дьиэ кэргэнин сатаан таҥыннарыа, тоҥоруо-аччыктатыа суоҕа. Уран тарбахтарынан, мындыр өйүнэн суохтан тугу эмэ хайаан да айан, баар оҥорон таһаарыа. Улааттаҕына дьиэ кэргэн холумтанын сатаан тутар кыахтаах Кыыс Хотун, онтон дьиҥнээх Далбар Хотун буолан тахсыа. Бу дьарыкка кыыс оҕо бэйэтин көрүнэ, киэргэл, суһуох симэҕин харысхал (ымыы) оҥосто, кыра да кыраһыны сыыска хаалларбакка туһаҕа таһаара, илииннэн тигэ үөрэниэ. Ый сэһэнигэр (муудараһыгар) олоҕуран араас оҥоһуктары оҥорор буолуохпут. Дьарыгы Уруйдаана Павловна Харитонова ыытыаҕа. Бу сигэннэн киирэн суруттарыҥ.