"Айыы Кыһата" гимназиябытыгар Тумус Киһитин быыбара үөрүүлээхтик түмүктэннэ.
"Айыы Кыһата" гимназиябытыгар Тумус Киһитин быыбара үөрүүлээхтик түмүктэннэ. Дьокуускай куорат, "Айыы Кыһата" гимназиябытыгар бүгүн, Алтынньы 9 күнүгэр 2 күн устата ыытыллыбыт, үөрэнээччилэр уонна учууталлар улахан болҕомтолорун тардыбыт Тумус Киһитин (Президенин) быыбара үөрүүлээхтик түмүктэннэ. Оскуола инники кэскилин түстүүргэ 8-11 кылаас үөрэнээччилэрэ уонна учууталлар уопсайа 354 быыбардааччы көхтөөхтүк кыттыыны ылла. Барыта 3 күүстээх, дьулуурдаах кандидаттар оскуола Тумус киһитин аатын ыларга туруннулар. Хас биирдии кандидат бэйэтин бырагырааматын, оскуоланы сайыннарар былааннарын быыбардааччылар иннилэригэр билиһиннэрбитэ. Быыбар түмүгүнэн Ноев Айсан 10 а кылас- 126 куолас Артемьева Дайаана 10 б кылас-68 куолас Иванова Вилена 10 в кылас- 156 куолас Киртитиллибит - 4 былааҥка буолла. Быыбар түмүгүнэн, Тумус Киһитин аатын Иванова Вилена сүгэр буолла, Артемьева Дайаана кини бастакы солбуйааччытынан ананыаҕа. Ноев Айсан "Күн" түмсүү салайаачытынан ананар. Быыбар оҕолорго дьиҥнээх демократия уруогун, гражданскай активнаһы, эппиэтинэстээх буолууну иҥэрдэ. Бары кандидаттарга дьулуурдарыгар махтанабыт – инники үлэҕитигэр саҥа ситиһиини баҕарабыт! "Айыы Кыһата" оскуола саҥа Тумус Киһитэ Иванова Виленаҕа уонна кини хамаандатыгар инники үлэҕэ улахан ситиһиилэри! Тэрийэн ыыттылар 11-с "Түмэн" оҕо хамсааһына.