"Айыы Кыһата" гимназия саҥа Тумус Киһитэ үрдүк аатын ылынна!
"Айыы Кыһата" гимназия саҥа Тумус Киһитэ үрдүк аатын ылынна! Бүгүн, алтынны 12 күнүгэр, "Айыы Кыһата" гимназияҕа үөрүүлээх туруу линейка буолла. Биһиги гимназиябыт саҥа Тумус Киһитинэн талыллыбыт 10 "В" кылаас үөрэнээччитэ Иванова Вилена үрдүк аатын ылынар инаугурацията буолла. Бу бэлиэ түгэҥҥэ Иванова Вилена гимназиябыт былааҕын иннигэр, учууталлар уонна үөрэнээччилэр иннилэригэр гимназия Тумус Киһитин андаҕар тылын эттэ. Ону таһынан, Тумус Киһитин бастакы солбуйааччыта Артемьева Дайаана уонна "Күн" түмсүү салайааччыта Ноев Айсан эмиэ үөрэнээччилэргэ уонна учууталларга анаан эҕэрдэ тылларын эттэ. Кинилэр бары биир хамаанданан гимназия олоҕун өссө тупсарыахтарын, саҥа, интэриэһинэй тэрээһиннэри ыытыахтарын туһунан кэпсээтилэр. Иванова Виленаҕа, кини хамаандатыгар инники үлэтигэр улахан ситиһиилэри, айымньылаах үлэлэни! https://max.ru/id1435340325_gos