*Үөрэх билии - сайдыы төрдө*
*Үөрэх билии - сайдыы төрдө* Дьокуускай куорат "Айыы кыһата" оскуолаҕа 1800 оҕо үөрэнэр, оскуола дириэктэринэн Арассыыйа үтүөлээх учуутала Лидия Петровна Шамаева үлэлиир. Балаҕаннаах оскуолата 2026 саҕалаан "Айыы кыһата" оскуоланы кытта ыкса ситимнээхтик үлэлээн эрэр, ол курдук быйыл кыһын Лидия Петровна оскуола оҕолорун илдьэ икки төгүл кэлэн, көрөн, билсэн барбыттарын таһынан, инники өттүгэр үөрэх хайысхатыгар үлэлэһэр былааны торумнаһа сылдьабыт. Балаҕаннаах оскуолатын дириэктэрин Анна Артуровна Иванованы кытта бүгүн "Айыы кыһата" оскуолаҕа баран оскуола үлэтин - хамнаһын билистибит. "Айыы кыһата" оскуола Москва куоракка буолбут тыа хаһаайыстыбатын "Золотая Осень " быыстапкатыгар бэйэлэрэ оҥорбут чэйдэринэн, порей лууктарынан барыанньаларынан кыттан кыайан - хотон кэлбиттэр. Оҕолору Ильина Күннэй Анатольевна, Үөһээ Бүлүү Нам нэһилиэгиттэн төрүттээх биир дойдулаахпыт уонна Любовь Семеновна Бубякина салайан илдьэ сылдьыбыттар. Быыстапкаҕа Тумусов Слава, 7 кылаас үөрэнээччитэ порей луук, Чирикова Виктория 7 кылаас тыквалаах, брусникалаах барыанньа, 8 кылаас үөрэнээччилэрэ Степанова Айгылаана, Атласова Валентина, Турнин Эрсан чэй оҥорбуттарынан быыстапкаҕа кыттыбыттар. Оҕолор үлэлэрэ кыайыылаах дипломнарынан 2 кыһыл көмүс, 1 боруонса мэтээлинэн бэлиэтэммиттэр. Айыы кыһата оскуоланы кытта үөрэх - билии хайысхатыгар салгыы үлэһэргэ кэпсэтистибит. *Үөһээ Бүлүү улууһун Балаҕаннаах нэһилиэгин баһылыга Степан Дмитриев.* *Алтынньы 14 күнэ 2026 сыл.*