Үөрэх инклюзиятыгар аныгы ньымалар: «Айыы Кыһата» национальнай гимназияҕа идэ квалифика...
Үөрэх инклюзиятыгар аныгы ньымалар: «Айыы Кыһата» национальнай гимназияҕа идэ квалификациятын үрдэтии кууруһа буолан ааста. Алтынньы 28-29 күннэригэр Дьокуускай куорат «Айыы Кыһата» Национальнай гимназиятыгар «Инклюзивнай уонна дифференцированнай үөрэхтээһин усулуобуйатыгар үөрэнээччи үөрэҕин тус маршрутун сүрүннүүр билиҥҥи технологиялар» диэн өрөспүүбүлүкэтээҕи идэ квалификациятын үрдэтии кууруһа ыытылынна. Уопсайа 49 педагог кыттыыны ылла. Бу куурус ОВЗ-лаах оҕолору кытта үлэлиир психологтарга, социальнай педагогтарга, дефектологтарга, логопедтарга уонна коррекционнай кылаас учууталларыгар ананна. Сүрүн сыаллара — ити исписэлиистэр компетенцияларын сайыннарыы уонна индивидуальнай үлэ ньымаларын киллэрии. Икки күн устата "Айыы Кыһата" гимназия педагогтара биир идэлээх курсааннарын кытта бэйэлэрин үлэлэрин уопутуттан үллэстэн, экспресс-трениннэри, практикумнары, өйү-санааны сайыннарар семинардары ыыттылар, "Педагог вне формата" диэн айар үлэлэрин эйгэтиттэн сырдаттылар, ону тэҥэ олус көхтөөх, интэриэһинэй, ураты сорудахтардаах «Психолого-педагогический ринг» диэн профессиональнай куонкуруһу тэрийдилэр. Куурус түмүгүнэн кыттааччылар инклюзивнай үөрэхтээһиҥҥэ үгүс саҥа билиини ылан уонна оҕолору кытта үлэҕэ туттуллар сөптөөх ньымалары үөрэтэн, үөрэн-көтөн, сэргэхсийэн, удастабырыанньа тутуурдаах тарҕастылар.