Район Советының утырышлар залында узган киңәшмәдә авыл хуҗалыгы һәм азык-төлек идарәсе ... — 16 июня 2026 г. в 10:05:16.583
Район Советының утырышлар залында узган киңәшмәдә авыл хуҗалыгы һәм азык-төлек идарәсе башлыгы, хуҗалыклар җитәкчеләре, зоотехниклар һәм тармак белгечләре катнашында терлекчелек тармагындагы биш айлык эшчәнлеккә йомгак ясалды. Терлекчелек тармагы киңәшмәсен муниципаль район башлыгы Рамил Рәшит улы Нотфуллин алып барды. Киңәшмә барышында шулай ук авыл хуҗалыгы өлкәсендә агымдагы эшләр, хуҗалыкларда ветеринар-санитария буенча оештырылган эшчәнлекнең торышына анализланды, киләчәк эшчәнлек юнәлешенә бурыч-максатлар билгеләнде. Төп игътибар терлекчелекнең икътисади тотрыклылыкны тәэмин итүче төп керем чыганагы булуына юнәлтелде.Тармак белгечләренең чыгышларыннан соң, биш айлык күрсәткечләргә нигезләнеп, район башлыгы бу хакта тагын бер кат ассызыклап узды. Сөт җитештерү районыбызда иң мөһим юнәлешләрнең берсе булып кала. Район башлыгы ассызыклаганча, савым күләме белән беррәттән, сөтнең сыйфатын контрольдә тоту – иң мөһим шартларның берсе. «Сөтнең сыйфаты буенча эшне тулаем ныклы контрольгә алырга кирәк», — дип билгеләп үтте ул. Киңәшмә ахырында Рамил Рәшит улы барлык кимчелекләрнең сәбәпләрен үзвакытында ачыклау һәм аларны бетерү буенча нигезле эш оештыру бурычын куйды. Шулай ук алга таба хуҗалыкларга продукция күләмен генә түгел, ә аның сыйфатын да арттыруга юнәлдерелгән комплекслы чаралар күрү зарурлыгы ассызыкланды.