Государственное Собрание (Ил Тумэн) Республики Саха (Якутия)
Политика · 26 июня 2026 г.
"Саҥа күн" биэриигэ парламент сонуннара: — 26 июня 2026 г. в 03:31:26.094
"Саҥа күн" биэриигэ парламент сонуннара: 🔸 Дьокуускай острогун историятыгар научнай кэмпириэнсийэ Ил Түмэн спикера Алексей Еремеев "Дьокуускай острога — Хотугулуу Илин Азияны баһылааһынна уктэл" диэн научнай-практическай кэмпириэнсийэҕэ кыттыыны ылла. Хас да регионтан сылдьар учуонайдар уһун сыллаах чинчийиилэрин түмүгүн киэҥ эйгэҕэ таһаардылар уонна историческай наукаҕа саҥа хайысхалары тобуллулар. Сүрүн тиэмэнэн Дьокуускай куорат төрүттэниитин историята буолла. 🔸 Табах уонна вейп атыылааһынын лицензиялааһын Федерация Сүбэтэ табаҕы уонна вейптары атыылааһынын лицензиялааһын туһунан сокуону бигэргэттэ. 2027 сыл кулун тутар 1 күнүттэн лицензията суох атыы бобуллуон сөп. Ил Түмэн Урбааҥҥа уонна туризмҥа комитетын бэрэссэдээтэлэ Алексей Корнилов ылыллыбыт миэрэ сыалын-соругун быһаарда, оттон норуот дьокутаата, мэдиссиинэ наукатын кандидата Иван Лукан вейп киһи доруобуйатыгар буортутун туһунан иһитиннэрдэ. 🔸 Арктика балыктааһын хаһаайыстыбатын сайыннарыы Дьокуускайга Арктиканы сайыннарыы уонна хотугу норуоттар дьыалаларын министиэрстибэтин иһинэн үлэлиир общественнай сэбиэт мунньаҕа буолла. Онно 2026-2035 сылларга эрэгийиэн балыгын хаһаайыстыбатын сайдыытын туһунан кэпсэттилэр. Сэбиэт тыа хаһаайыстыбатын министиэрстибэтигэр балыктааһын хаһаайыстыбаларын материальнай-техническэй базаларын саҥардыыга сыллата үбүлээһини көрөргө, субсидия ставкаларын улаатыннарарга уонна атыылаһар сыаналары судаарыстыба өттүттэн хонтуруоллааһыны киллэриини көрөргө сорудахтаата. Сиһилии видеоҕа көрүҥ ⤴️ Ил Түмэн пресс-сулууспата