"Саҥа күн" биэриигэ "Парламент илдьитэ": — 3 июля 2026 г. в 01:21:17

"Саҥа күн" биэриигэ "Парламент илдьитэ": 🔸 Жатайдааҕы судоверфь Сунтаар улууһугар анаан саҥа уу аалын тутан бүтэрэн эрэр. Ааспыт сыл үлэҕэ киирбит бөдөҥ тэрилтэ үлэтин-хамнаһын, инники былаанын норуот дьокутааттара билистилэр. Улуустар улахан хаһаайыстыбалара өрүһү туоруурга анаан баарсаны сакаастааныахтарын сөбүн ырытыстылар. 🔸 От ыйын 1 күнүгэр Саха сиригэр бэчээт күнүгэр бастакы олугун уурбут Василий Васильевич Никифоров – Күлүмнүүр пааматынньыгар Ил Түмэн дьокутааттара, уопсастыбаннас сибэкки дьөрбөтүн уурдулар. 🔸 Бу күн Сахалыы тыллаах бэчээт сайдыытын, "Айар" кыһа үбүлүөйүн эмиэ бэлиэтээтилэр. Ил Түмэн бэрэссэдээтэлин бастакы солбуйааччы Александр Жирков бэчээт үлэһиттэригэр махтанна уонна ситиһиилэри баҕарда. 🔸 Ил Түмэҥҥэ "Спасая жизни: Медики СВО" диэн көһө сылдьар фотовыставка аһылынна. Бу выставка анал байыаннай дьайыыга кыттар мэдиссиинэ үлэһиттэрин хорсун быһыыларыгар анаммыт 50 стендэттэн турар. Тэрээһин кэмигэр Ил Түмэн доруобуйа харыстабылын сис кэмитиэтин Бочуоттаах грамоталарын хорсун миэдиктэргэ туттардылар. Сиһилии "Саҥа күн" биэриигэ көрүҥ ⤴️ Ил Түмэн пресс-сулууспата