Государственное Собрание (Ил Тумэн) Республики Саха (Якутия)
Политика · 1 июля 2026 г.
Бүгүн, от ыйын 1 күнүгэр, уопсастыбаннай, бэлитиичэскэй диэйэтэл, саха литературатын, н... — 1 июля 2026 г. в 06:36:07.819
Бүгүн, от ыйын 1 күнүгэр, уопсастыбаннай, бэлитиичэскэй диэйэтэл, саха литературатын, национальнай тыйаатырын уонна бэчээтин теруттээччилэртэн биирдэстэрэ, учуонай, суруйааччы уонна сырдатааччы Баһылай Никиипэрэп-Күлүмнүүр пааматынньыгар сибэкки дьөрбөтүн уурдулар. Тэрэһиҥҥэ Саха Өреспуубулукэтин Ил Тумэнин салалтата, норуот депутаттара, Саха Өреспуубулукэтин Бырабыыталыстыбатын чилиэннэрэ, бэчээт, сонуннары киэҥник тарҕатар средстволар эйгэлэрин үлэһиттэрэ уонна бэтэрээннэрэ, В.В. Никифоров-Кулумнуур аймахтара кыттыыны ыллылар. Национальнай бэчээт күнэ Саха сиригэр 2020 сыллаахтан Өрөспүүбүлүкэ Ил Дарханын Айсен Николаев ыйааҕынан быйыл алтыс сылын бэлиэтэнэр. От ыйын 1 күнэ – Саха сиригэр ураты күн. 1907 сыллаахха бу күн икки тылынан тахсар «Саха дойдута» («Якутский край») хаһыат бастакы нүөмэрэ тахсыбыта. Бу хаһыаты оччотооҕу саха интеллигенциятын лиидэрэ Василий Никифоров-Күлүмнүүр уонна кини биир санаалаахтара көҕүлээн таһаарбыттара. Оччотооҕу саха интеллигенциятын тумус туттар киһитэ, учуонай, суруналыыс, суруйааччы Василий Васильевич Никифоров-Күлүмнүүр көҕүлээн, Россия киин куоратыттан бэчээттиир массыына атыылаһыллан, анал сахалыы шрифт кутуллан, төрөөбүт тылбытынан тахсар бастакы хаһыаппыт күн сирин көрбүтэ. Саха Өрөспүүбүлүкэтин Ил Түмэнин Бэрэссэдээтэлин бастакы солбуйааччы Александр Жирков кэпсиирин истиҥ⤴️ Ил Түмэн пресс-сулууспата