Государственное Собрание (Ил Тумэн) Республики Саха (Якутия)
Политика · 4 сентября 2026 г.
💬 Мас тардыһыытыгар Арассыыйа спордун маастара Ариан Григорьев ыраах Бишкек куораттан ... — 4 сентября 2026 г. в 10:01:03.110
💬 Мас тардыһыытыгар Арассыыйа спордун маастара Ариан Григорьев ыраах Бишкек куораттан дойдутун дьонугар, сүгүрүйээччилэригэр махтал тылларын тиэрдэр: "Тус бэйэм Кочевниктар Оонньууларыгар кыахпынан кытынным дии саныыбын. Арыый атыннык бэлэмнэнэн кэлбитим, тоҕо диэтэххэ, күрэх субу ыган кэлбитигэр биирдэ: "Эн күрэххэ барар буоллуҥ", - диэн эппиттэрэ. Онон кылгас кэм иһигэр тэринэн, соһуччу солбук буолбутум. Бэйэм 65 киилэҕэ киирсэр киһи, 70 киилэҕэ холоннум. Туох да куһаҕана суох. Туох да диэбит иһин, күрэхтэһии таһыма чахчы үрдүк эбит, атын омуктар биллэ эбиллибиттэр, күүскэ бэлэмнэммиттэр. Күрэхпит хайалар быыстарыгар икки тыһыынчаттан тахса миэтэрэ үрдүккэ ыытылынна, онон салгына олох атын, ыарахана биллэр, ол да охсубута буолуо дии саныыбын. Ол эрэн, бэйэбэр куһаҕана суох норуоттар икки ардыларынааҕы саҕалааһын буолла диэн сыаналыыбын. Бу кыттыым аан дойду чөмпүйэнээтин иннинэ эбии кыах, күүс биэрэр. Буолаары турар улахан күрэхтэһиибэр үчүгэй бэлэмнээх тиийэн, кыайар сыал-сорук күүскэ турар", - диэн мадьыны санаатын үллэстэр. 🏆 Санатан эттэххэ, Кочевниктар Оонньууларыгар Арассыыйа хамаандатын састаабыгар Саха сирин аатын 16 спортсмен көмүскүүр. @ulusmedia