Бага наһанай эдеэ хоолнууд — 1 июня 2026 г. в 06:37:51.597
Бага наһанай эдеэ хоолнууд Бага балшар үедэмнэй Буйлуулhан эдеэ хоолнууд... Элеэр ухаандаа оруулан, Эзэлүүдгүй энеэнэб аалин. Эжын бариhан хилээмэн, Эгээл мартагдашагүй амтан... Халуун пеэшэнhээ гарган, Хүрэхыень хүлеэн ядахаш. Хоншуухан хилээмэ тоhодоод, Хүсэлэн даран песоогдоод, Хабатай хазан эдихэш, Хүйтэн hү гудамхихаш. Шахадаhан дээрэ өөхэнэй, Шараhан шарахан лепешко... Хоорондоо монсогор нүхэтэй, Хубаалдан,хадагалан байхаш. Таhалhан нарин талхатай, Түмпинтэй борсын шүлэн... Хангал үнэрынь хэлэшэгүй, Хүхюүтэй үлеэн халбагадахаш. Хүдөөгэй ногоон мангиртай, Хухалан шараhан мохрон... Яагаадшье мартахын аргагүй, Ямаршье талхантай жэшээхэгүйш. Бидоной хабхагай зөөхэй, Булта ээжэлэн долеохош. Хүйтэн гэжэ мартанхай, Хэлээ няалдуулан, хашхархаш. Орооhоной шүлэ шанаха, Олоороо сугларан эдеэлхэш. Хатааhан айрhа, ээзгэй Хармаанлан,эдин гашуурхахаш. Үзлэй амтатайхан саахар, Үхэгhөө гарган хубааха... hааритай борсогор гараа hарбайн, хүхин мэрэхэш. Борохон хоолоо эдеэд, Булта гэдэhэ садхалан, Борьбо дээрээ үндыhэн, Баяртай хүүгэд наhамнай... 30.05.26 Баярма Жамсаранова Сокто-Хангил