Сэнтэй амhарта( Шог зугаатай шүлэг) — 1 сентября 2026 г. в 09:37:50.038

Сэнтэй амhарта( Шог зугаатай шүлэг) Үгэрсэ дабhатай банкалагдаа, Улайрhан помидор хэршэгдээ, Үшөөл олохон лэ бэлдэлгэ Оруулнаб подполиин нүхэн руу. Үндэр гүнзэгы подвал соом Үргэн полкануудые эзэлээд, Үй татай олон банкнууд Унжылдаад зогсохонь гайхалтай. Хүлhэ haлhа гаргангүй, Хандроз нюргандаа бэдэрэнгүй, Худалдажа абааhaa яадаг юм? Хэн бултыень эдихэ юм? Хэлэхэдэм нүхэрни ойлгоногүй, Хурсахан нюдэдынь ёлогошоно: Хөөhэрhэн банкын байгааhаань, Хараашалаад наашань гарга,- гэнэ Айлшадай, хүүгэдэй ерэхэдэнь: - Асараарай банкыем бусаажа, Амтатай юумэ барюулхамни, Аhалда подполи руу шурга ,- гэдэг Хооhон амhартынь сэнтэйень, Хадуужа абагдаа даа, ёо моё Хуушан банка харахадаал Халта харасамни тогтодог даа. Бэрхэ hамган байбал Банхаяашье хадагалха, Залхуу hамган байбал Зайланшьегүйгөөр хаяха. Б. Базаргуруев.