ГА
ГУК «Агинская краевая библиотека им.Ц. Жамцарано»
Образование · 22 октября 2026 г.
Уулзалга
Уулзалга Уян сэдьхэлдэм уялга Ухаан бодолдом хаданхай. Урма зоригтом жолоо Уг унгиһаам барюуланхай. Ушаржа ябаха нүхэд Уулзаха бүхэндэ бүхэжэн, Улаан нараяа золгодог Алаг зүрхэндэм шэгэнхэй. Амар мэндэеэ дамжуулдаг Алтан нютагайм дүнгэлтэ Агаар тэнюун амисхалаар Аглаг талаараа дууланхай. Аша буянайнгаа хэшэг Альган соогоо адхан, Аза жаргалай жэмбүүры Үхи хүүгэдтээ бэлэглэнхэйб. Амар мэндын тэмдэг Аша зээнэртээ дамжуулан, Үлгэн нютагайнгаа энгэрһээ Үреэл болгон хүргэнхэйб. Энэл ха, элитэ жаргалан, Эндэл даа эжын баясхалан. Эдитэ шэдитэ жабхалан соо Ушаржа байха уулзалгамнай, Элшээр дүүрэн жаргалнай Гэнэ лэ! Цыцык Дамбаева.
195 просмотров