ГУК «Агинская краевая библиотека им.Ц. Жамцарано»
Образование · 29 октября 2026 г.
Базаргуруев Баир Батуевичай «Жаргалайм дабаан”гэжэ ном 2020 ондо гараhан. Хошон зугаа ...
Базаргуруев Баир Батуевичай «Жаргалайм дабаан”гэжэ ном 2020 ондо гараhан. Хошон зугаа элбэгтэй, баян үгэтэй шүлэгүүдтэй танилсажа, уншажа hонирхыт, хүхиит гэжэ уншагшадаа уринабди. Энээхэн шүлэг уншаад, олохон зон хүүгэд наhаяа hанан хүхихэшье, уярхашье байха. Гоехон шүлэгүүдэйнь үргэлжэлэл саашадаашье табижа байхабди. Хүүгэд хүхюухэн үемнай Хармаандаа солхооб бажууhан, Хахархай сеткэ туулмагтай Хилээмэ абахын ээлжээндэ Хабшуулдан зогсодогни эрьенэ. Халуун хилээмэнэй углууhаань Хулганаан мэтээр химэлэнгээ, Хүбүүнэй уялга дүүргэhэн Хүхюутэй дорюун гэртэлнэб. Хара ваар, шэнэhэнэй дабирхай Хубаалдан жажалдаг нүхэдни, Хоргодоо, хордоомин наададаг Хотоной хүүгэд hанаандамни. Бүлэhэн зөөхэй епоошходоо Бүдүүнээр няажа саахарлаад, Бутерброд гэжэ дуулаагүй, Булай амтатайгаар эдидэг hэм. Yүлэн саашаа! Наран наашаа! Уhанай эрьедэ дууладаг дуун… Yлир, мойhо, тибhэ, тарнаа Урматай зохидоор суглуулдаг hэм. Ойдобон ахайн пол дээгүүр Олоороо суглараад тарайлдан, Орбита станциин каналаар Оншотой телевизор харагша hэм. Зүүн хадаар түмэр бахана Зурын түргэн бодхоогдоод, Зайн галай утаhа дамжаад, Зулахан Ленинэй бадараа hэн. Шэхэеэ булатар yргyyлhан Шэрүүн хара үhэтэй, Үргэн клеш үмдэтэй Үндыhэн залуугайм үе саг. Харгын далангаар зурылдан, Хүйтэн hалхин, шуурган соо Хойшолhон, урагшалhан унаагаар Харижа, ошожо hураhан саг. Аргали нютагайм аха захатан, Ажаhуудаг түрэл гарал, Анда үүри, хани нүхэд, Анхан байдалаа гоешооно гүт? Манай каналда орогты: https://max.ru/id8001010197_gos