ГУК «Центр развития бурятской культуры Забайкальского края»
Медиа · 8 октября 2026 г.
✔️ «Түрэл хэлэмнай – угаймнай захяа» гэһэн квест.
✔️ «Түрэл хэлэмнай – угаймнай захяа» гэһэн квест. Буряад хэлэнэй Фестивалиин хэмжээндэ октябриин 7-до заншалта болоһон Квест-наадан 5-дахияа үнгэрбэ. Наадан Сэбэгэй Гомбожабай нэрэмжэтэ үндэhэтэнэй музей, Ц. Жамцараногой нэрэмжэтэ Үбэр-Байгалай хизаарай номой сан, Үбэр-Байгалай хизаарай архивэй филиал, Үбэр-Байгалай хизаараар буряад соёл хүгжөөлгын түб, Тэдхэмжэлгын фонд, В.Г. Стрельниковэй нэрэмжэтэ байгаалиин музей, Б. Ринчиногой нэрэмжэтэ багшанарай колледж, Агын радио болон телесубаг, Соелой ордон", МАБО гэhэн 10 станцинуудаар эмхидхэгдээ. Үхибүүд нааданда эдэбхитэй хабаадаа, һонирхоо, шэнэ мэдэсэнүүдые абаа, шагналнуудта хүртөө, баяртайнууд нютагаа бусаа. Дүн таталгаар, хүдөөгэй һургуулинуудай хоорондоһоо: 1-дэхи һуурида Ушарбай- 147б.; 2-дохи һуурида Тугшанай һургуули -137б.; 3-дахи һуурида МСОШ2 - 136 баллтай гараа. Ага тосхоной һургуулинуудһаа: 1-дэхи һуурида АОГИ - 162б.; 2-дохи һуурида АСОШ 1 - 151б.; 3-дахи һуурида АСОШ 4 - 142 баллтай гараа. Эрхим наадагшад: Агын 1-дэхи һургуулиин Дашидондоков Буянто, Агын 3-дахи һургуулиин Цыжипов Буда, Агын 5-дахи һургуулиин Соболева Зоригма һурагшад шалгараа. Буряад хэлэнэй багшанарай холбооной болон социальна һалбариин ажалшадай мэргэжэл дээшэлүүлгын Агын институдэй мэдэсэлээр. Наш канал МАХ https://max.ru/id8001014890_gos Сайт https://бурятскаякультура.рф